Sifatli ilmiy maqola yozish qiyinmi? Yo’Q. Qiyin emas. Harakat qilsangiz bo’ldi

Kirish qismi umumiylik bilan boshlanib xususiylik tomon olib boriladi. Sweyls tomonidan ilmiy maqolalar kirish qismi uch bosqichda olib borilishi tasvirlangan.

1. Ishning areali tushintiriladi (ilmiy ishning sohasi, nima uchun bu sohaning muhimligi, hozirgacha nima ish qilingani)

2. Ilmiy ishning boshpanasi/suyanchigi tushintiriladi (qayerda uzilish borligi ko’rsatiladi, savol yuzaga keltiriladi, yoki ushbu arealdagi oldingi ma’lumotlar oqimiga ergashiladi)

3. Oldingi abzatsda tushintirilgan boshpana/suyangich endi qamrab olinadi (hozirgi ishning maqsadi eskiz ko’rinishida aks ettiriladi, qisqa ma’nosi bayon qilinadi; ixtiyoriy ravishda natijalarning “qaymog’i” ko’rsatib beriladi).

Materiallar va Metodlar

Odatda "Materiallar va metodlar" deb nomlanadigan metodlar bo'limi natijalar qanday ishlab chiqilganligini tasvirlab beradi. Bu bo'lim ma'lumotlari, biror (tor) sohada ishlaydigan mustaqil tadqiqotchi tomonidan siz tomoningizdan olingan natijalarni o'z ishida qo'llab, metodingizning ishonchliligi xaqida xulosa qila olishiga imkon beradigan darajada, yetarlicha batafsil bo'lishi kerak. Ko'p hollarda, bajarilgan ishlar ketma-ketligini ipidan ignasigacha ko'rsatish talab etilmaydi, buning o'rniga ushbu ma'lumotlarni taqdim eta oladigan avvalgi nashrlarga havolalar keltiriladi. Agarda sizning metodingiz yangi metod bo'ladigan bo'lsa, u holda, batafsilroq ma'lumot talab qilinadi. Standard metodlar yoki batafsil o'rganilgan metodlar uchun, ularni nomlashning o'zi yetarli bo'lishi mumkin.

Yetarlicha batafsil deganda nima tushuniladi?

Yetarlicha tafsilot orqali o'quvchida natijalarni takrorlash va natijalarni baholash imkoniyati berilishi nazarda tutiladi. Garchi kam sonli o'quvchilar boshqalarning tajribasini takrorlashga urinishsada, e'tiborliroq o'quvchilar ushbu ma'lumotlarning isbotlanganlik darajasini baholashga harakat qilishadi. Ichki isbotlanganlik darajasi (muallif tomonidan) qilingan xulosalar keltirilgan natijalar bilan qo'llab quvvatlanishini anglatadi. Tashqi isbotlanganlik darajasi esa xulosalar umumlashtirilishi mumkinligi anglatadi (tor doiradagi ishlardagina qo'llanilgandan ko'ra). Xushyorlik bilan yozilgan metodlar bo'lmasa, ishning isbotlanganlik darajasini baholash imkonsizdir.