Sifatli ilmiy maqola yozish qiyinmi? Yo’Q. Qiyin emas. Harakat qilsangiz bo’ldi

Abstraktlarda jadval yoki rasmlardan foydalansa bo’ladimi?

Har qanday jurnal abstraktlarda jadval ma’lumotlarini aks ettirmaydi. Odatda rasm ko’rinishidagi ma’lumotlar abstraktlarda aks ettirilmaydi. Ba’zi jurnallar so’nggi yillarda o’quvchilarni qiziqtirish uchun alohida, abstract uchun maxsus bo’lgan ishning asosiy mohiyatini yoki ilmiy yangiligini aks ettiruvchi rasm ma’lumotlarini talab qilmoqda.

Misol uchun ushbu rasmdagi kabi.

Abstraktlar barcha jurnallarda bir xil ko’rinishda bo’ladimi?

Yo’q. Har bir jurnal butun maqolaga bo’lgani kabi abstraktga ham o’zining talablarini ishlab chiqqan. Odatda bu Instruction for authors nomi bilan alohida seksiya sifatida beriladi. Ba’zi jurnallarda abstrakt qismi

• Background:
• Materials and Methods:
• Results:
• Conclusion:

kabi bandlardan iborat bo’lishi ham mumkin

Introduction. Kirish

Standart ritorika bo’yicha ilmiy maqolaning kirish qismi ikkita savolga javob berishi kerak. “Bu mavzu o’zi nima?” va “Xo’sh, shunga nima bo’libdi?” Ya'ni bunda maqola nima haqidaligi va o’quvchi uni nima uchun o’qishi kerakligi qiziqarli va asosli tarzda aks ettirilishi kerak bo’ladi

Ilmiy jurnal o’ziga xos ritorik shakl bo’lib, uning kirish qismida biz yanayam o’ziga xos formatdan foydalanamiz, lekin bu formatda albatta yuqoridagi ikkita savolga javob berilishi talab etiladi. Demak, Kirish qismi maqolani nima xaqida ekanligi xabarini berishi va o’quvchini o’qishni davom ettirishiga ruhlantirishi kerak.

Kirish qismida quyidagilarga alohida e’tibor berish tavsiya qilinadi?

• Maqolada keltirilgan ma’lumotlar jurnal qamroviga mos kelishiga (1),
• Ishning ilmiy yangiligiga (2),
• Ishning ahamiyatiga (3) Maqolaning Kirish qismida yuqoridagilarga aniq-tiniq da’vo qilish tavsiya etiladi. Bu jihatlar noziklik bilan nazarda tutilishi va ko’rsatib berilishi tavsiya qilinadi, lekin qat’iy da’vo qilinmaydi. Xech bir tadqiqotchi o’zining natijasi 100% to’g’ri deb da’vo qila olmasligiga asoslanib ishning da’vosini noziklik bilan aks ettiring.