Sifat menejmenti va maxsulotlar xavfsizligi

12-AMALIY MAShG‘ULOT. TARMOQ VA MA’MURIY XUDUDIY STANDARTLARNI IShLAB ChIQISh VA YuRITISh

Reja
12.1. Tarmoq standartlarni ishlab chiqish va yuritish.
12.2. Ma’muriy xududiy standartlarni ishlab chiqish va yuritish.

12.1. Tarmoq standartlarni ishlab chiqish va yuritish.

Tarmoq standartlari O’z DSt 1.9:1995 “O‘z SDT. Tarmoq standartlarini ishlab chiqish, kelishish, tasdiqlash va ro‘yxatdan o‘tkazish tartibi” talablariga muvofiq TQ, STT va boshqa vakolatli korxonalar va tashkilotlar tomonidan ishlab chiqiladi.
Tarmoq standartlari tarmoq ahamiyatidagi mahsulot, ishlar va xizmatlarga nisbatan ishlab chiqiladi. Zarur bo‘lganda tashkiliy-metodik va umumtexnikaviy tarmoq standartlari ishlab chiqiladi. Ushbu ob’ektga xalqaro, davlatlararo standartlar yoki davlat standarti va O‘zbekiston standartlari mavjud bo‘lsa, tarmoq standartlari mahsulot, jarayonlar, xizmatlarga yanada yuqori talablarni o‘rnatishi va tarmoqning o‘ziga hos hususiyatlariga nisbatan qo‘llaniladigan nomenklatura, me’yorlar va talablarga cheklovlar o‘rnatishi mumkin.
Tashkiliy-metodik birlilikka erishish va ishlar bosqichlarining bajarilishini tekshirish maqsadlarida tarmoq standartlarini ishlab chiqishning to‘rt bosqichi o‘rnatiladi:
1 - bosqich - standartni ishlab chiqishni tashkillashtirish;
2 - bosqich - standartning loyihasi (birinchi tahriri)ni ishlab chiqish;
3 - bosqich - standart loyihasining oxirgi tahririni ishlab chiqish, kelishish va uni tasdiqlashga taqdim etish;
4 - bosqich - standartni tasdiqlash va ro‘yxatdan o‘tkazish.
Tarmoq standartlarini ishlab chiqish bosqichlarini birlashtirish ruhsat etiladi, bu hol shartnomada yoki standartni ishlab chiqishga texnik topshiriq (TT)da aks ettiriladi.
Tarmoq standartlari va davlat standartlarining loyihalarini ishlab chiqish bosqichlari bir-biriga o‘xshaydi, faqat to‘rtinchi bosqich bundan mustasno, chunki tarmoq standartlarini tasdiqlash davlat va xo‘jalik boshqaruv idoralariga yuklatilgan.
Tarmoqni boshqarish idorasi tarmoq standartini ko‘rib chiqadi va tasdiqlash to‘g‘risida qaror qabul qiladi yoki ushbu idora o‘rnatgan tartibda standartni chalasini to‘ldirishga qaytaradi. Tarmoq standartini tasdiqlashda uni amalga kiritish sanasi standartni joriy etishga tayyorlash bo‘yicha tadbirlarni bajarish muddatlarini hisobga olgan holda belgilanadi. Tarmoq standartining amal muddati tasdiqlovchi idora tomonidan buyurtmachi bilan kelishilgan holda o‘rnatiladi.
Mahsulotga tarmoq sgandartlari O‘zstandart Agentligida davlat ro‘yxatidan o‘tkaziladi.
Tarmoq standartining belgisi quyidagilardan iborat bo‘ladi:
– hujjat indeksi – TSt;
– tarmoqni boshqarish idorasining shartli raqamli belgisi;
– tarmoqni boshqarish idorasi tomonidan O‘zstandart Agentligi bilan kelishilgan holda o‘rnatilgan tartibda beriladigan, nuqta bilan ajratilgan ro‘yxat tartib raqami;
– ikki nuqta bilan ajratilgan tasdiqlash yilining to‘rtta raqami.
Misol: TSt 45.001:1999