Ўсиб келаётган ёш авлод жисмоний тарбияси ва спортда инновацион технологиялар

JISMONIY TARBIYA VA SPORTDA CHET TILLARINING TUTGAN O’RNI 
Axmedova R.A., o’qituvchi, Oripova N.M., talaba 
Buxoro davlat universiteti, Buxoro, O’zbekiston 
Zamon shiddat bilan rivojlanib borayotgan bir davrda yashar ekanmiz, hozirgi zamon talablariga 
har tomonlama javob bera olishimiz talab etiladi. O’zbekiston Respublikasining mustaqilligini yanada 
mustahkamlash, uni rivojlanayotgan davlatlar qatoridan rivojlangan davlatlar qatoriga o’tkazish 
qaysidiz ma’noda aynan biz yoshlarning olayotgan ta’lim-tarbiyamiz, ma’naviy yetuk, jismonan 
barkamol hamda albatta har qanday yot g’oyalarga qarshi immunitetimiz shakllanganligiga bog’liq [1]. 
Zero, shunday xislatlarga ega bo’lgan va muntazam ravishda o’z ustida tinmay ishlaydigan, 
dunyo yangiliklaridan ortda qolmay, ular bilan hamnafas yashovchi insonlardangina yetuk kadr 
shakllanadi. Bugungi kunda esa ana shunday yetuk kadrlarga ehtiyoj kattaligi hech kimga sir emas 
albatta. 
Jismoniy tarbiya va sport sohasini oladigan bo’lsak, bu soha egalari jismonan baquvvat, soha 
doirasida nazariy bilimlari boy, mamlakatda sodir bo’layotgan ijtimoiy-iqtisodiy hamda siyosiy 
yangiliklardan xabardor va bu sohalarda faol bo’lishlari, ma’naviy yetuk bo’lish bilan bir qatorda chet 
tillaridan ham xabardor bo’lishlar talab etiladi. Jismoniy tarbiya o’qituvchilari va sportchilar uchun chet 
tilidan tillaridan boxabar bo’lishlari juda muhimdir [2]. Chunki chet tillarini bilish bu jahon 
hamjamiyatida munosib o’rinni egallashning muhim omillaridan biridir, chet tillari xususan ingliz tilini 
bilgan inson soha bo’yicha xorijiy mamlakatlarda qanday istiqbollar tuzilganligi, fan doirasida amalga 
oshirilgan tajribalarning natijasi hamda yutuqlaridan tarjimonlarning yordamisiz bemalol o’zi boxabar 
bo’lib borishi hamda yuqori samaradorlikka ega bo’lgan chet el tajribalarini O’zbekistonda ham qo’llay 
olishi mumkin.
Bundan tashqari, chet tilini mukammal egallagan kadrlar grand asosida xorijiy mamlakatlarda 
o’z malakasini oshirishi yo bo’lmasa ular bilan tajriba almashib soha doirasidagi bilimlarini yanada 
boyitish imkoniga ega bo’ladi. Chet tillari hamda jismoniy tarbiya va sportning integratsiyalashuvi 
ushbu sohaning mamlakatimizda yanada rivojlanishiga zamin yaratadi desak mubolag’a bo’lmaydi. 

---