Щзбекистон республикаси

9.14-расм.Диск шевер.






9.15-расм.тишларни профиллиабразив тош билан жилвирлаш схемаси.
Диск шевер ва ишлов бериладиган шестерня бир-бири билан тишлаштирилади, бунда уларнинг геометрик ўқлари ўзаро айқашадиган бўлиши керак. Шевер ўқи билан ишлов берилаётган шестерня ўқи айқаш бўлганлигидан обкатка жараёнида шевер тишларининг кесувчи қирралари шестерня тишларининг ён юзалари бўйлаб сирпанади.
Шевер кесувчи тишларнинг бундай ҳаракати натижасида ишлов берилаётган ғилдирак тишнинг юзасидан қалинлиги 0,002-0,008 мм бўлган жуда юпқа қатлам қирқиб олинади. Шевер ҳар бир юришдан кейин ўз ҳаракат йўналишини ўзгартиради, бунинг натижасида тишнинг иккала томонига ишлов берилади. Шестерня тишлари столнинг 12-14 қўш юришида пардоз берилади, битта тиш эса 2-3 сек давомида пардозланади. Шеверлаш натижасида ғилдирак тишлари юзасининг тозалиги Ra 0,32 ва аниқлик даражаси 6-7 квалитетга етади.
Жилвирлаш. Шестерня тишлари, асосан, икки усул билан: эволpвента профилли шаклдор абразив тош ёрдамида нусхалаш усули ва обкатка қилиш усули билан жилвирланади. 9.15-расм профили тишлар орсидаги ботиқлик профилига мос келадиган абразив тош билан жилвирлаш схемаси тасвирланган.
Абразив тош 1 айланиш билан бирга бўйлама йўналишда илгарланма-қайтар ҳаракатида ҳам бўлади ва қўшни икки тишнинг икки томонини бир вақтда жилвирлайди. Тишлар орасидаги ботиқликлар жилвирлаш тошининг бир неча қўш юриш давомида узул кесил ишлаб бўлинади. Жилвирлаш тош илашувдан чиқарилгач ишлов берилаётган шестерня 2 бир тишга бурилади ва цикл такрорланади. Нусхалаш усули билан ишлайдиган дастгоҳларнинг унуми юқори, аммо ишлов берилган тишларнинг аниқлиги обкатка қилиш усули билан ишлов берилган тишларникига қараганда пастроқ бўлади.
Притирлаш. Бу усул шестерня тишларини тоза ва силлиқ қилиш учун қўлланилади. Притирлаш жараёни қуйидагилардан иборат: ишлов бериладиган шестернянинг тишлари чўяндан қилишган тишли притирлар ва майда донали абразив ёрдамида сунoий равишда ейилтирилади. Ишлов бериладиган шестерня тишлари битта ёки бир нечта притир билан притирланиши мумкин.