Shuning uchun "Pedagogik diagnostika va korreksiya" faniga alohida e’tibor berish muhim ahamiyat kasb etadi

Jadal sur’atlar bilan o’zgarib borayotgan bugungi o’ta shiddatli va murakkab globallashuv davrida yoshlarni tarbiyalash, ularni umuminsoniy qadryatlarga zid bo’lgan ma’naviy xurujlardan asrash, yuksak ma’naviyatli shaxs sifatida kamol toptirish eng dolzarb masalalardan hisoblanadi. Barkamol shaxs tarbiyasida ijtimoiy va kasbiy zarur fazilatlarni shakllantirishning axamiyati kattadir. Xalqimizda azal- azaldan insonda yaxshi axloqni shakllantirishga katta e’tibor qaratilib, axloqli kishilar xamisha ulug’lanib kelingan. Shaxsda ijtimoiy- kasbiy fazilatlarni shakillantirish ijtimoiy faoliyat jarayonida sodir bo’lib, bunda shaxsning o’zgarishi- shakllanish va rivojlanishi jadal sur’atlar bilan boradi, tarbiyaviy jarayon sub’ektning faol ta’sirini tarbiyaviy ta’sir ob’ekti o’zida jamlashtirishga intiladi.

Shuning uchun “Pedagogik diagnostika va korreksiya” faniga alohida e’tibor berish muhim ahamiyat kasb etadi. Shunga ko’ra ushbu fan umumkasbiy fanidan biri bo’lib, malakali pedagog kadrlar tayyorlash tizimining muhim bo’g’ini hisoblanadi.

“Pedagogik diagnostika va korreksiya” fani bo’yicha tuzilgan ushbu dastur O’zbekiston Respublikasi pedagogik oliy ta’lim muassasalari talaba- bakalavrlari, pedagogika va psixologiya bakalavriyat yo’nalishi auditoriyasi uchun mo’ljallangan.