Shuning uchun donishmandlar so`zni doriga o`xshatadilar. "Ortiqchasi zarar keltiradi,"- deydilar

O‘zbek tili uzoq va boy tarixga, shuningdek, eski yozuvga ega bo‘lgan tillardan biridir. Uni ilk marta asosli tekshirgan olim Alisher Navoiydir. U o‘zining «Muhokamatul-lug‘atayn» asarida lug‘at tili, ya’ni eski o‘zbek tilining leksik boyligi, grammatik qurilishi haqida qimmatli ma’lumotlar beradi. Navoiy asarlarining tilini o‘rganish u hayotligidayoq boshlangan edi. Ammo o‘sha davrdagi manbalarning oz qismi bizgacha yetib kelgan. Turkiy xalqlar boy milliy madaniyatga va adabiyotga ega. Turkiy til jahondagi eng qadimiy adabiy tillardan hisoblanadi, unda lug‘at boyligi ham beqiyos hisoblanib, ko‘p asrli tarixga ega. Bu tilda har qanday murakkab va nozik tushunchalarni ham ifodalay olish mumkinligini XV asrdayoq buyuk mutafakkir Alisher Navoiy o‘zining butun ijodi bilan isbotlab va turkiy dunyoni adabiy til darajasida «yakqalam» qilib shunday degan edi: Turk nazmida chu men tortib alam Ayladim ul mamlakatni yakqalam (“Lisonut-tayr”) Xushlamaydur olimlar sizni oyg‘on turkiyni, Xushlamaydur olimlar sizni oyg‘on turkiyni, Oriflardin eshitsang, ochar ko‘ngil mulkini. Oyat, hadis ma’nosi turkiy bo‘lsa muvofiq, Ma’nosiga yetganlar yerga qo‘yar bo‘rkini. Qoziy, muftiy, mullalar shariatda rohni, Orif oshiq olibdur tariqatni arkini. Amal qilgan olimlar dinimizni chirog‘i, Biroq, minar mahsharda egri qo‘yor bo‘rkini. Amal qilsa olimlar dinu oyin yoruqi, Ko‘rsa bo‘lur alarni rangi-ro‘yi ko‘rkini. Miskin zaif Xoja Ahmad, yetti pushtingga rahmat, Forsiy tilni bilibon aytadur turkiyni.