Shu Vatanga munosib Farzand boʻlish ahdimiz

ShU VATANGA

 

Shu Vatanga munosib

Farzand boʻlish ahdimiz.

El ishiga shay turgan

Dilband boʻlish baxtimiz.

 

Boshimizni silagan

Yurtimiz bor bagʻri keng,

Bizga oq yoʻl tilagan

Bobo mehri koʻkka teng.

 

Manzil olis, lek ravon,

Bilimda bellashamiz.

Aʼlo oʻqib-oʻrganib,

Har tilda soʻzlashamiz.

 

Tinchlik boʻlsin barqaror,

Istiqlol umri mangu.

Begʻubor chehramizda

Balqib turar shoʻx kulgu.