Shtrix-kodni shakllantirish, afzalliklar, qamrov

Shtrix-kodlarni mahsulotlarga nisbatan tadbiq etish g`oyasi ilk bora 30-yillarda AQShning Garvard biznes maktabida yaratilgan bo`lib, undan amalda foydalanish bir necha o`n yillardan so`nggina, ya'ni, 60-yillardan boshlangan. Shtrix-kodlarni dastlabki qo`llovchilar temir yo`lchilar bo`lib, shu usul orqali temir yo`l vagonlarini identifikatsiyalashgan. Mikroprotsessor texnikasining gurkirab rivojlanishi 70-yillardan boshlab shtrix-kodlardan keng ravishda foydalanish imkonini yaratdi. 1973 yil AQShda Mahsulotning Universal kodi (IPC) qabul qilinib, 1977 yildan boshlab esa Yevropa Kodlash Tizimi YEAN (Europ YEAN ArticleNumbering) ta'sis etildi va hozirda undan nafaqat Yevropada, balki boshqa mintaqalarda ham keng ravishda foydalanishmoqda quyida tovar shtrix kod belgisining namunasi keltirilgan.

Shtrixli kodlash tovarning narxi, saqlash muddati va boshqa zarur ma’lumotlarni olish uchun qoilanadi. Shtrixli kodlashdan savdoning avtomatlashtirilgan tizimlarida foydalaniladi. Dori vositasi haqida ma’lumot va saqlash uchun elektron holatda kod qo‘yiladi. Berilgan kod bo‘yicha zarur parametrlar (narxi, soni, yetkazib beruvchi, qadoqlash turi, saqlash muddati va boshqalar) haqida kerakli ma’lumot olinadi. Odatda, bu kodlar maxsus qoidalar bo‘yicha dori ishlab chiqaruvchi tomonidan qo‘yiladi va mas’ul organ tomonidan ro‘yxatga olinadi. Bu qoidalar mahsulotlarni tovarli nomerlashning Xalqaro assotsiatsiyasi tomonidan tasdiqlangan. EAN qoidalariga ko‘ra kodlash ma’lumotlari turli shakldagi shtrixlar va oq yo`llarni tushirish yo‘li bilan amalga oshiriladi. Shtrix kod 1-rasmda ko‘rsatilgan. Tovar kodi haqidagi ma’lumotlar savdo tarmog‘iga avtomatlashtirish yo'li bilan kiritiladi. SSD skaner tomonidan o‘qiladi. Ishlab chiqaruvchi firmalardan tashqari, ayrim hollarda tovarlarni shtrixli kodlar bilan distribyuterlar,dorixona- lar ham markalaydilar. Dorixonalar faoliyatida shtrixli kodlash tizimi joriy etilishi dori vositalari va tibbiy buyumlarni qalbaki- lashtirish hollarining oldini olishda muhim ahamiyat kasb etadi.

THANK YOU