Shovot tumani xalq ta’limi bo‘limi

INFORMATIKANI O‘QITISHDA SAMARALI NATIJALARGA ERISHISH UCHUN 
INNOVATSION METODLAR YARATISH 
 
Xozirgi kunda ta’lim soxasiga e’tibor katta. Jumladan informatika fanini chuqur va 
natijaviy o‘qitish uchun innovatsion metodikalarni qo‘llash lozim. Biz an’anaviy darslardan 
farqlirok noodatiy, ya’ni diqqatni tortuvchi va qiziqishni oshiruvchi raqobatli dars jarayonini 
tashkil qilishimiz, innovatsion metodikalarni yaratishimiz kerak. Nafaqat informatika, balki 
boshqa fanlarni o‘qitishda xam qo‘llaniladigan xar qanday metodlardan maqsad o‘quvchining 
bilim samaradorligini oshirishdir. Uqituvchi o‘z maqsadiga erishish uchun imkon qadar shunday 

---

keng qamrovli metodlarni sinab ko‘rishi kerak. Barcha mavzularga albatta bir xil metod qo‘llash 
shart emas. Ana shu vaqtda ta’lim beruvchi innovatsion metodikalarni amalda qo‘llashi 
samaradorlik kasb etadi. Innovatsion metodikalar faqatgina ta’lim emas, tarbiya jarayonlarini 
sifat va samaradorligini oshirishda xam qo‘l keladi. Informatikani o‘qitishda mavzularni va 
o‘quvchi yoshini xisobga olgan xolda taqdimot va videodarslar yaratishni o‘zigina bu inovatsion 
metod qo‘lladi va yaxshi natija beradi degani emas. Aksariyat yaratilgan videodarslar bir xil 
mavzuda xikoya usulida, bunday usul yuqori 8-9-10-11-sinf o‘quvchilarini diqqatini umuman 
torta olmaydi. Shu bois videodars yaratishda muammoli vaziyatlarni, qiziqtiruvchi, chalgituvchi 
va o‘ylantiruvchi savollarni, test topshiriqlarini, krossvordlarni mavzu bayoni jarayoniga 
qo‘shish kerak. 
Yana shuni qo‘shimcha qilamanki, shunday mavzular borki, ularga ko‘rsatuv tayyorlash 
kerak. O‘quv yili boshida darslik berilgani singari o‘qituvchiga ish rejaga qo‘shib elektron 
variantda berilishi kerak, aniqrok aytadigan bo‘lsak masalan, klaviatura yozayotganda to‘g‘ri 
yozish ya’ni ko‘rsatilgan barmoqlarda bosilishi, texnika xafsizlik qoidalari, dasturlashga oid 
misol masalalar, montajga oid dasturlar , mavzuga doir tarixiy ma’lumotlar va xokazolarga 
multfilm janrida yoki ssenariyga asoslangan ko‘rsatuv tayyorlangan bo‘lib, uni dars jarayonida 
o‘quvchilarga televizor orqali qo‘yib berilishi kerak. Bunda o‘quvchi xam o‘ylanadi, jarayondan 
ham ma’naviy ham ilmiy ta’lim oladi. Xulosa qilib, shuni aytmoqchimanki, birinchidan 
informatika darsi uchun yaratilayotgan videodarslar o‘quvchilar sinfiga mos ravishda muammoli, 
diqqatni jalb qiladigan xolda qiziqarli qilib yaratilishi lozim. Ikkinchidan, o‘quv yili boshida 
darsliklarga qo‘shib elektron ko‘rsatuvlar berilishi xam maqsadga muvofiq bo‘lar edi.