Шовот тумани халк таълими муассалари фаолиятини методик таъминлаш ва ташкил этиш бўлимига карашли 14-умумий ўрта таълим мактабида ўтказилган йигилиш

Qo‘shko‘pir tuman xalk ta’limi bo‘limiga qarashli 29-umumiy o‘rta ta’lim maktabida o‘tkazilgan tadbir

BAYONNOMASI

2021 yil 20-fevral Shix qishlogi

Katnashdilar: Shixobod MFY raisi S. Polvonov, maktabning ma’naviy - ma’rifiy ishlari bo‘yicha direktor o‘rinbosari O. Ashirov, maktab ruxshunosi G. Qurbonboeva, 8-9-10-11 sinf o‘quvchilari.

Yig‘ilish raisi: O. Qilichov.

Yig‘ilish kotibi: O. Ashirov.


KUN TARTIBI:

1. 
   Yoshlar o‘rtasida jinoyatchilik va huquqbuzarliklarning oldini olish xamda diniy ekstremistlik va terroristlik oqimlarga kirib ketishning oldini-olish to‘g‘risida.
   

ESHITILDI :
Tadbirni maktab direktori O. Qilichov olib bordi. Kun tartibidagi masala yuzasidan maktab direktori O. Qilichov so‘zga chiqdi. U o‘z so‘zida maktabda o‘quvchilarning maktab ichki tartib qoidalariga bo‘ysunishi, darslarga o‘z vaqtida yetib kelishlari va sababsiz dars qoldirmasliklari, voyaga yetmagan yoshlarning bo‘sh vaqtlarini mazmunli o‘tkazishi, ularning ota-onalaridan birining nazoratisiz har xil ko‘ngilochar joylarga bormasliklari, o‘qishga mobil telefonlari olib kelmaslik yuzasidan o‘z fikrlarini bildirdi. Bugungi kunda yoshlar tarbiyasiga aloxida e’tibor berilayotgani, yoshlar bilan shug‘ullanish uchun ularning muammolarini hal qilib, ular uchun zarur bo‘lgan barcha shart-sharoitlar yaratish, iste’dod va qobiliyatlarini yuzaga chiqarish uchun, yoshlarni bir maqsad sari birlashtirish uchun Prezidentimiz SH.Mirziyoev tashabbusi bilan Yoshlar Ittifoqi tuzilganligini alohida ta’kidladi. Ana shu yaratilgan sharoitlardan oqilona foydalangan yoshlar albatta kelgusida Vatanimizning yanada rivojlanishi va yuksalishiga o‘zining munosib hissasini qo‘shadigan komil inson bo‘lib etishadi deb ta’kidlab o‘tdi.
Kun tartibidagi masala yuzasidan SHixobod MFY posboni A. Axmedov ham so‘zga chiqdi. U o‘z so‘zida bugungi shiddat bilan rivojlanib borayotgan murakkab zamonda yoshlarning ayniqsa maktab yoshidagi bolalarning tinmay izlanishi o‘qib o‘rganishi, bo‘sh vaqtini bekorga sarflamasdan yoki internetga kirib turli xil buzg‘unchi milliyligimizga yot bo‘lgan bexayo va zo‘ravonlikni targ‘ib qiluvchi o‘yinlar yoki turli video va kinolarni ko‘rib, ularning ta’siriga berilmasdan o‘zimizning o‘zbek yozuvchilari va shoirlari tomonidan yozilgan kitoblarni o‘qisa, ilm-fan bilan shug‘ullansa, sport bilan oshno bo‘lsa bunday yoshlar kelajakda albatta jamiyatimiz uchun kerakli inson bo‘lib etishishi haqida gapirdi. Ana shunday globallashgan zamonda turli xil yot buzg‘unchi g‘oya tarafdorlari o‘z maqsadlarini amalga oshirish va dunyodagi tinchlik va barqarorlikka raxna solishga urinayotgan kishilar o‘sib kelayotgan yoshlarning ongini zaharlashga, ularni to‘g‘ri yo‘ldan adashtirishga, o‘z vataniga, ota-onasiga, oilasiga va yurtdoshlariga qarshi qurol ko‘tarishga undayapti. Bu kimsalar dunyoqarashi hali to‘liq shakllanmagan, hayotiy tajribasi etarli bo‘lmagan endigina balog‘at yoshiga etayotgan o‘g‘il-qizlarni tezda o‘z tuzog‘iga ilintirib oladi va ulardan o‘z g‘arazli maqsadlari yo‘lida foydalanadilar. YUqoridagi buzg‘unchi goyalar va illatlar ta’siriga berilmaslik uchun o‘quvchilar darslarni qoldirmasdan bo‘sh vaqtlarini bekorga sarf qilmasdan, ichkilik, tamaki chekish yoki giyoxvand moddalar iste’mol qilishning salbiy oqibatlarini to‘g‘ri tushunib, kechasi 22:00 dan keyin ko‘chaga chiqmasdan, har xil internet klublari, bilyardxona, kafe, masjidlarga bormasdan maktabda yaratilgan sharoitlardan oqilona foydalanishlarini ta’kidladi.
Kun tartibidagi masala yuzasidan maktabning ma’naviy ma’rifiy ishlari buyicha direktor urinbosari O. Ashirov ham o‘z fikrlarini bildirdi.
Tadbirda o‘quvchilar o‘zlarini qiziqtirgan savollarga javob oldi.
Kun tartibi yuzasidan yig‘ilish,
QAROR QILADI:

1. 
   Maktab direktori O. Qilichov MFY posboni A. Axmedov, maktabning ma’naviy ma’rifiy ishlari buyicha direktor o‘rinbosari O. Ashirovlarning so‘zlari ma’lumot uchun qabul qilinsin.
   

2. 
   Maktabda o‘quvchilarga tarbiyaviy soatlarda, darsdan bo‘sh vaqtlarida jinoyatchilik va huqubuzarliklarning oldini olish bilan bog‘liq qo‘shimcha ma’lumotlar berib borish maktabning yoshlar etakchisi S. SHixnazarova va sinf rahbarlari zimmasiga yuklatilsin.
   

Maktab direktori: O. Qilichov.
Kotib: O. Ashirov.