Sho‘rchi tuman bo’limiga qarashli 14-umumiy o’rta ta’lim

III. YANGI MAVZUNI MUSTAHKAMLASH
Endi mavzuyimizga doir pantomima oʻyinini oʻynaymiz. Avvalo, sinf oʻquvchilari 3 ta jamoaga boʻlinadi va har bir qatordan (jamoadan) bittadan oʻquvchi doska oldiga chiqib bittadan harakat yoki holatni koʻrsatadi. Boshqa jamoadagi oʻquvchilar uning bu harakati yoki holati nomini aytishadi. Agar kim birinchi boʻlib toʻgʻri javobni qoʻl koʻtarib aytsa, oʻsha oʻquvchining jamoasiga 1 ball beriladi. Bu jarayon kamida har bir jamoadan 3 tadan oʻquvchining ijro harakatlari bilan davom ettiriladi. Gʻolib boʻlgan jamoa oʻquvchilari dars soʻnggida ragʻbatlantirishlar bilan baholanadi.
Bu kabi oʻyin topishmoq va jumboqli savollar berish tartibida ham oʻtkazilishi mumkin. Jamoalar bir-biriga topishmoq aytishi yoki oʻqituvchi 3 ta jamoaga topishmoq, jumboqli savol berishi mumkin. Bunda tezkorlik bilan birinchi boʻlib javob bergan jamoa gʻolib boʻladi.

oʻquvchilar quyidagi jadvalni yuqorida berilgan ma’lumotlardan foydalanib toʻldirib olishadi. Doskaga baholanmagan oʻquvchilar navbati bilan 1 tadan jami 3 nafar oʻquvchilar chiqadi va 1 daqiqa vaqt beriladi. Ular «Nima suvda suzadi?» «Nima yerda yuradi?» «Nima fazoda uchadi?» deb nomlangan savollarga javob yozishadi. Kim savollarga koʻproq javob topib yoza olsa, u gʻolib boʻladi. Gʻolib oʻquvchi ham ragʻbatlantiriladi, ham baholanadi. 2 – 3-oʻrinni olgan oʻquvchilar ham ragʻbatlantiriladi.

Harakat yoki holat jarayonlari
Nima suvda suzadi?	Nima yerda yuradi?	Nima fazoda uchadi?

Jadval toʻldirishgandan keyin vaqtga qarab oʻquvchilarga «harakat nima?» mavzusida qisqacha video rolik taqdim etamiz.

IV. Oʻquvchilar bilimini baholash.
Yuqorida berilgan
vazifalar ijrosi va darsdagi
savol-javobdagi faolliklariga
koʻra bolajonlarni baho va
ragʻbatlantirish orqali
taqdirlaymiz.


V. Uyga vazifa berish.
«Uy daftari»ga ushbu berilgan rasm asosida «Oʻquvchining kun tartibi» haqida harakatlarni ifodalab qisqacha hikoya tuzib kelish topshirigʻi beriladi.
SHU BILAN BUGUNGI 45 DAQIQALI DARSIMIZNI YAKUNLAYMIZ!