Shonazarova mahliyo umirzoq qizi tomonidan tayyorlangan

O‘zbekiston Respublikasining Mustaqil davlatlar Hamdo‘stligi (MDH)

faoliyatidagi ishtiroki

O‘zbekiston Respublikasi MDHning asosiy va tarmoq organlarining faoliyatida ishtirok etadi. O‘zbekiston Hamdo‘stlik tashkil etilgandan boshlab uning doirasida iqtisodiy integratsiyani chuqurlashtirish va yangicha asosda xo‘jalik aloqalarini ushbu jarayonlarga siyosiy tus bermagan holda amalga oshirish tarafdori bo‘lgan.

O‘zbekiston MDH barcha ishtirokchi davlatlar uchun maksimal ijtimoiy- iqtisodiy samaraga erishish maqsadida xo‘jalik jarayonlarini tartibga solishda muvofiqlashtiruvchi rolini bajarishi kerak, deb hisoblaydi.

Hozirgi vaqtda Hamdo‘stlik o‘z taraqqiyotining yangi bosqichiga qadam qo‘ydi. Qabul qilingan MDHning bundan keyingi taraqqiyoti Konsepsiyasi va uni amalga oshirish rejasida barcha ishtirokchi davlatlar tomonidan Hamdo‘stlik faoliyatining ustuvor yo‘nalishlari: iqtisodiy integratsiya, gumanitar sohada, xavfsizlikni ta’minlash, xalqaro xavfsizlik va barqarorlikni ta’minlash va mustahkamlash, jinoyatchilik, yangi xavf-xatar va tahdidlarga qarshi kurash sohalarida hamkorlik masalalari o‘z aksini topdi.

¹ Kаrimоv I. А. Хаvfsizlik vа tinchlik uchun kurаshmоq kеrаk. 10-jild, – T.: “O’zbеkistоn”, 2002 y. – B. 41.

² www.gov.uz

Shuningdek, Konsepsiyada siyosiy aloqalarni chuqurlashtirish, muvofiqlashtirilgan migratsion siyosatni ishlab chiqish, ekologik muammolarni birgalikda hal qilish, favqulodda vaziyatlarning oldini olish va tabiiy ofatlar oqibatlarini bartaraf etish zaruriyati e’tirof etildi.