Шөлкемлестириў илажлары

§10. Жумыс толық тамам болғаннан соң электр үскенелерин қосыў.
100. Электр үскенелерин қосыў, жумыс орнын таярлаўға ҳәм иске қосыўға рухсатнама бериўши исши ямаса оны алмастырыўшы исши рухсаты алынғаннан соң әмелге асырылады.
Электр үскенесин иске қосыўға рухсат (бийлик бериў) усы электр үскенелерде жумыс орнын таярлаўға ҳәм иске қосыўға рухсатнама алған бәрше жумыс алып барыўшылары ҳәм иске қосыўшылардан, жумыстың толық тамам болғанлығы ҳәм үскенелерди иске қосыў мүмкин екенлигинен хабар қабыллап алғаннан соң әмелге асырылады.
101. Нәўетши яки тез-ара оңлаў исшилеринен болған исши, жумыс тамам болғаннан соң электр үскенени иске қосыўға (бийлик) рухсат алғаннан соң, қосыўдан алдын ўақытша қоршаўларды алып, плакат ҳәм жерге жалғағышларды алып, турақлы қоршаўларды тиклейди.
102. Тез-ара оңлаў исшилеринен болған иске қосыўшыға электр үскенеде жумыс толық та-мамланғаннан соң жумыс орнын таярлаўға ҳәм иске қосыўға ямаса оны алмастырыўшы исшиниң рухсатнамасын алмастан электр үскенесин иске қосыў ҳуқықы бериледи.
Бундай қосыўларды әмелге асырыў ҳуқықының берилиўи нарядтың бөлек көрсетпе қатарында жазылады ҳәм иске қосыўшыға жумыс орнын таярлаўға хәм иске қосыўға рухсатнама берилген ўақытта тастыйықланады. Бундай тастықлаўларды нарядта рәсмийлестириў талап етилмейди.
Бундай қосыў ҳуқықы усы электр үскенесинде ҳәм оның бөлимшелерде басқа бригада иске қосылмаған жағдайда бериледи.
103. Авариялық жағдайларда нәўбетши исши ямаса иске қосыўшы оңлаўға шығарылған электр үскенелерин ямаса электр үскенени жумыс тамам болғанға дейин бригада жоқлығынада иске қосыўы мүмкин, сондай шәрт пенен: жумыс алып барыўшы келемен дегенше ямаса олар нарядты қайта тапсырылғанша жумыс орнында ескертиўши адамлар қойылып, жумыс алып барыўшыға электр үскенеси иске қосылғанын ҳәм жумысты баслаў қадаған етилгенин алдын ала ескертилгеннен соң.
§11. Электр станция, жәрдемши станция электр үскенелеринде ҳәм кабель
линияларында жумыс алып барылғанда шөлкемлестириў илажлары.