Шөлкемлестириў илажлары

§3. Электр узатыў линияларының қорғаў майданларында 
ислеўге рухсат бериў.
543. Кабель линияларының қорғаў майданларында жумыс ислеў ушын рухсатнамада 
(акт-рухсатта) кабель линиясының жайласыўы ҳəм жатқан шуқырлығы көрсетилиўи зəрүр.
544. Эксплуатация кəрханасының хызметкерлеринен таярланған ислеўге рухсат бериўши кернеў 
астында болған электр линиясының қорғаў майданындағы ҳəмде ислеп турған электр 
линиясы бағаналары аралығындағы жумысларға қурылыс монтаж шөлкеминиң ҳəр бир 
бригадасындағы жуўапкер жумыс ислеўшиниң ислеўине бөлек-бөлек рухсат берилиўи шəрт. 
Өширип қойылған элект линиясының қорғаў майданындағы басқа жумысларға қурылыс 
монтаж шөлкеминиң жуўапкер жумыс басшысы ислеўине рухсат бериўи зəрүр. Қалған 
хызметкерлердиң ислеўлерине жуўапкер жумыс басшысының өзи рухсат бериўи керек.
545. Ҳаўа линияларында жуўапкер жумыс илеўшилерди ислеўге рухсат бериўде ислеўге рухсат 
бериўши ҳəр бир бригада ислеп атырған бөлимге биреўден жерге жалғағыш қо-йыўы зəрүр, 
жуўапкер жумыс басшысын ислеўине рухсат бериўде жумыс орынланыўы керек болған 
жерге илажы барынша жақын етип бир жерге жалғағыш қойылыўы керек.
546. Қурылыс монтаж шөлкеми ислеп атырған ҳаўа линиясы бөлиминде жерге жалғағышты 
орнатыўды ҳəм алыўды эксплуатация кəрханасы тəрепинен таярланған ислеўге рухсат 
бериўши наряд пенен орынлаўы шəрт. Жерге жалғағышты алып таслаўға оны қойыў 
ҳаққындағы тапсырманы көрсетпестен бөлек наряд берилиўи мүмкин. Бунда бригада ағзасы 
есабында қурылыс монтаж шөлкеминиң III-топарлы хызметкери қатнасыўы мүмкин.
547. Көп шынжырлы ҳаўа линияларында эксплуатация ислеўши кəрхана тəрепинен таяр-ланған 
ислеўге рухсат бериўши жумыс орнын таярлаў ушын усы қағыйданың 354-бəн-дине тийкар 
жерге жалғағыш орнатқан бағаналарға байрақшалар да қойыўлары шəрт. Байрақшалар жерге 
жалғағыш пенен бирге алыныўы зəрүр.
548. Кабель тармақларының қорғаў майданларында қазыў жумысларын баслаўдан алдын ка-бель 
линияларын эксплуатация ислеўши хызметкер бақлаўы астында кабеллердиң 
жай-ласыўларын ҳəм шукырлығын анықлаў ушын тексерип көриў мақсетинде жер бетин 
ашыў ҳəмде жер қазыў машиналарының ислеў майданын белгилеп қойыў ушын 
ўақ-тыншалық қоршаўлар орнатылыўы зəрүр.
549. Кабель трассаларынан 5 метрден кем аралыкта турып ислейтуғын машина ҳəм 
меха-низмлерден пайдаланыў жер қазыў машиналарын болса кабель трассасының қорғаў 
майданы шегарасында ислеўине рухсат берилмейди. Отбойка балғасы менен кабель трассасы 
үстинен топырақты 0,3 метр шуқырлыққаша босатыўға рухсат етиледи.
550. Кабеллерди тесиў керек болғанда бул жумыс наряд пенен эксплуатация ислеўши кəр-хана 
хызметкерлеринен таярланған ислеўшиге рухсат бериўши тəрепинен орынланады. Бригада 
ағзасы есабында қурылыс монтаж шөлкеминиң IV-топарлы хызметкери қатнаыўы мүмкин.
551. Жер қазыў жумыслары ўақтында усы жумысты орынлаўға берилген ҳүжжетлерде 
көрсетилмеген кабель көринип қалса жумыс сол ўақытта тоқтатылыўы ҳəм оны сақлап қалыў 
илажлары көрилип, бул ҳаққында жер қазыўға рухсат берген кəрханаға хабар берилиўи 
зəрүр.
552. Авария жағдайында кабель тармақларының қорғаў майданларында жер қазыў жумыс-ларын 
ислеўге рухсатты эксплуатация ислеўши кəрхананың жумыс орынлаў ҳəм ис-леўге рухсат 
бериў ҳуқықына ийе болған нəўбетши хызметкер бериўи мүмкин. Бул жағ-дайда жер қазыў 
жумысларын эксплуатация ислеўши кəрхана ўəкили бақлаўы астында алып барылады.

---

67
553. Эксплуатация ислеўши кəрхана қурылыс монтаж шөлкеминиң ислеўлерине рухсат берген 
бөлимге кернеў берип жибермеслигине жуўап береди.