Shokirov Sarvar Shokirovich ilg’or axborot kommunikatsiya texonologiyalarining oliy ta’lim muassasalari faoliyatida qo’llash samaradorligi

Samara - bu natija, oqibat, meva ma’nolarini bersa, uning iqtisodiy tushunchasi absalyut ko’rsatgich hisoblanadi. Masalan, korxona samarasi.
Samaradorlik – samaraga nisbatan nisbiy tushuncha hisoblanadi. Umumiy ko’rinishda samardorlik, sof foydani xarajatlarga nisbati va uni foiz sifatida chiqarish uchun 100 ga ko’paytirish orqali topiladi:

Sf
S = ------- x 100 %
X

Bu yerda: S – samaradorlik ko’rsatgichi, Sf – sof foyda, X – umumiy xarajatlar

Samaradorlik tushunchasi turli sohalarda har xil usullarda aniqlanadi. «Samaradorlik» so’zi umumiy holda natija ma’nosida ishlatiladi.
Korxonalar iqtisodiyotiga bagishlangan aksariyat adabiyotlarda ishlab chiqarishning fakatgina iqtisodiy samaradorligi xaqida so’z ketadi. Xolbuki, mamlakatda ro’y berayotgan ijtimoiy o’zgarishlar kishilarning e’tiborini jalb qilmoqda va ijtimoiy-iqtisodiy jarayonlarni o’rganishni va ularga baxo berishni zaruriyat qilmoqda. Bugungi kunda ishlab chiqarishning ham iqtisodiy, ham ijtimoiy samaradorligini o’rganish o’ta muhimdir. Ular o’zaro uzviy bog’liq va bir-birini taqozo etadigan kategoriyalardir.
Samaradorlikning umumiy holati, jumladan, ijtimoiy-iqtisodiy samaradorlikni aniqlash muhim ahamiyatga ega. Ijtimoiy-iqtisodiy samaradorlik - chegaralangan resurslardan oqilona foydalangan holda erishilgan, axolining ijtimoiy iqtisodiy iste’mol darajasini yuksaltirishdir. Samara absalyut tushuncha bo’lsa, samaradorlik nisbiy tushuncha tushuniladi.
Korxona iqtisodiy salohiyatini ifodalovchi ko’rsatkichlarni iqtisodiy mazmuniga qarab quyidagi guruhlarga bo’lish mumkin:

• 
  iqtisodiy salohiyat holatini ifodalovchi ko’rsatkichlar;
  
• 
  iqtisodiy salohiyat bilan ta’minlanganlikni ifodalovchi ko’rsatkichlar;
  
• 
  iqtisodiy salohiyat samaradorligini ifodalovchi ko’rsatkichlar.
  

Ushbu ko’rsatkichlar tasnifi quyidagi chizmada keltirilgan (2-rasm.)
Ijtimoiy-iqtisodiy ehtiyojlarning qondirilishi - inson kamolotining yuksalishi, moddiy va ijtimoiy farovonligining o’sishi, madaniy va ma’naviy jixatdan rivojlanishida ko’rinadi. Inson farovonligi hamda kamoloti naqadar yuksalsa, shu qadar yuqori ijtimoiy-iqtisodiy samaradorlikga erishgan bo’ladi. Ishlab chiqarishning ijtimoiy-iqtisodiy samaradorligi uning pirovard maqsad natijasida o’z ifodasini topadi. Ijtimoiy-iqtisodiy samaradorlik tarkibida iqtisodiy samaradorlik alohida e’tiborga ega.
Ishlab chiqarishning samarasi ijtimoiy samaradorlik orqali ham ifodalanadi. Korxonaning ijtimoiy samaradorligi mezoni iste’molchilarni ehtiyojlarini qondirilish darajasi bilan belgilanadi. Ijtimoiy samaradorlikning ko’rsatkichlari axolining daromadlar miqdori, ish bilan bandligi, salomatligini saqlash, mehnat malakasini yuksaltirish, madaniy va ma’naviy ehtiyojlarini qondirish, bo’sh vaqtlari kabilarni aniqlash bilan belgilanadi. Ishlab chiqarishning iqtisodiy samaradorligi - murakkab kategoriyadir. Unda ishlab chiqarish natijalariga hamda, xarajatlariga ta’sir ko’rsatuvchi omillar mujassamlangandir.

Unda ishlab chiqarish natijalarining o’sishi, mahsulot sifatining yaxshilanishi hamda mahsulot assortimenti tuzilishining ijtimoiy ehtiyojlar tuzilishiga to’gri kelishida o’zining aksini topadi.

Ijtimoiy ishlab chiqarish samaradorligi o’sishining tarkibiy qismlari quyidagilardan iborat:

• 
  mahsulot sifati va tarkibining yaxshilanishi;
  
• 
  jonli mehnat unumdorligining o’sishi;
  
• 
  material sarfining kamayishi;
  
• 
  fond samarasining oshishi.
  

Yuqoridagilardan shuni anglash lozimki, ishlab chiqarish samardorligini o’lchash uchun ko’rsatkichlar tizimi zarur.
B
MD
IMU = ----------
JM
u ko’rsatkichlardan eng muhimi ijtimoiy mehnat unumdorligidir. U vaqtni tejash qonunining amal qilishini ifodalaydi. Bu ko’rsatkichni quyidagi usulda aniqlash mumkin:
Bu yerda: IMU - ijtimoiy mehnat unumdorligi; MD - milliy daromad; JM - moddiy ishlab chiqarish sohasida band bo’lgan ishchilarning o’rtacha soni.
Milliy daromad iqtisodiyotning eng muhim ko’rsatkichi, samaradorlik mezoni, jamiyat boyligini to’laroq tavsiflovchi iqtisodiy vositadir. U mamlakat xalqining farovonligi va barqaror rivojlanishining moddiy manbaidir. Shuning uchun ham uni oshirishning barcha vositalari va yo’llari ishga solinadi.