Shodmon Sulaymon she’riyatining g`oyaviy-badiiy xususiyatlari reja: Kirish I bob. Shodmon Sulaymon – iste’dodli shoir

Mavzuning o’rganilish darajasi. Shodmon Sulaymon Buxoro shuhratini respublika miqyosida yoyishga intilayotgan bugungi navqiron avlodning yorqin vakili. Shu bois shoir she’riyati haqida O.Safarov, N.Rahimjonov¹ singari yirik adabiyotshunoslar, O.Muxtor, N.Narzullaev² singari katta shoirlar iliq fikrlarni bildirishgan. Shuningdek, G`.Murodov, D.Rajabov, Q.To’xsanov³ singari olimlar shoirning turli yillarda nashr etilgan to’plamlariga taqriz yozishgan. Binobarin, taniqli adabiyotshunos N.Rahimjonov yoshlar she’riyatini tahlil qilar ekan, yosh iqtidorli shoirlar qatorida Sh.Sulaymon ijodi haqida iliq fikrlar aytadi: “... Shodmon Sulaymonning “Vatan”, “Otamga”, “Minor uxlamas”, “Dunyo”, “Girya”... singari she’rlarini ko’z ko’z qilgim keladi”. Yoxud shoir va adib Omon Muxtor: “Buxorolik shoir Shodmon Sulaymon: Ko’zimga lab bosgan muhabbat... Bularning har birida aniq manzara va “havo” bor. So’z jonsiz emas, harakatlanadi, ruh harakatini aks ettiradi”, deb yozadi. Bunday e’tiroflar boshqa adabiyotshunoslar tomonidan ham ko’p bor aytilgan. Adabiyotshunosligimizda qilingan shu ishlarga tayanib, Shodmon Sulaymon she’riyatini o’ziga xos xususiyatlarini yoritib berishga harakat qilamiz.
Bitiruv malakaviy ishining maqsad va vazifalari. Bitiruv malakaviy ishining maqsadi Shodmon Sulaymon she’riyatining o’ziga xos xususiyatlarini o’rganishdan iborat. Ushbu maqsaddan kelib chiqqan holda malakaviy bitiruv ishi o’z oldiga quyidagi vazifalarni qo’yadi:
– Shodmon Sulaymonning ijodiy biografiyasini yaratish;

• 
  shoir she’riyatining mavzu mundarijasini ochib berish;
  
• 
  shoir she’riyatining janriy tarkibini yoritish;
  
• 
  shoir she’riyatining badiiy xususiyatlarini ochib berish;
  
• 
  shu asosda Shodmon Sulaymon ijodining bugungi navqiron adabiyotimizdagi mavqeini belgilashdan iborat.
  

Malakaviy bitiruv ishining ilmiy yangiligi. Ishda ilk marta bir bitiruv malakaviy ishi doirasida Shodmon Sulaymon ijodi maxsus tadqiq ob’ekti sifatida o’rganilmoqda. Tadqiqotda shoir she’riyatining o’ziga xos jihatlari, mavzu va obrazlar olami, badiiy xususiyatlari tadqiq etilgan. Shu asosda Shodmon Sulaymon ijodining zamonaviy o’zbek she’riyati taraqqiyotidagi mavqei umumlashtirilgan. Bu ishimizning ilmiy yangiligini belgilab beradi.