|
“Ertekler áleminde” shɪnɪġɪwɪnɪǹ islenbesi
Shɪnɪġɪw: Kòrkem ádebiyat
Temasɪ : «Ertekler áleminde»
Maqseti: Mektepke shekemgi bilimlendiriw shòlkemlerinde balalardɪǹ sòylew tilin ertekler arqalɪ rawajlandɪrɪw, dòretiwshiligin asɪrɪw, ertekke sáyker saxnalastɪrɪwġa ùyretiw, rollerde oynaw sheberliklerin rawajalandɪrɪw , teatr ònerine bolġan qɪzɪġɪwshɪlɪġɪn asɪrɪw
Kerekli qurallar: slaydlar, erteklerdiǹ sùwretleri menen, “Zumrad hám Qɪmbat”, “Altɪn ġarbɪz” “Tùlki hám tɪrna” h t b erteklerdiǹ sùwretleri, quslar, aġashlar maketleri,
Tárbiyashɪ:_Qáne_balalar_eǹ_dáslep_“Doslɪq_sheǹberimizdi”_jasap_aylana_bolɪp_turɪp_alap_alayɪq._Bir-birimizge_eǹjaqsɪ_tileklerimizdi_tileyik._Balalar'>SHɪnɪġɪw barɪsɪ:
Tárbiyashɪ: Qáne balalar eǹ dáslep “Doslɪq sheǹberimizdi” jasap aylana bolɪp turɪp alap alayɪq. Bir-birimizge eǹjaqsɪ tileklerimizdi tileyik.
Balalar: Men doslarɪma den sawlɪq, shadlɪ quwanɪsh tileymen. Men doslarɪma barha járdem beremen. Men doslarɪmdɪ jaqsɪ kòremen. Men tuwɪlġan jerimdi Watanɪmdɪ jaqsɪ kòremen.
Tárbiyashɪ: Bárekalla balajanlarɪm. Bùgingi shɪnɪġɪwɪmɪzdɪ baslaymɪz. Balalar sizler ertek esitiwdi qáleysizlerme?
Balalar: Awa
Tárbiyashɪ: Onda mɪna kitaptɪǹ ishinen qálegen ertegiǹizdi taǹlap alɪnɪz.
(Balalar kitaptɪ ashɪp qarasa kitaptɪǹ taza betlerin kòredi)
Tárbiyashɪ: Haw balalar erteklerimiz joytɪlɪp qalġanba? Ertekler qalayɪnsha joytɪlɪp qalġan? Ne sebep dep oylaysɪzlar?
Balalar: Olar joytɪlɪp qalġan. (Qalġan balalar da tɪǹlanadɪ)
Tárbiyashɪ: Balajanlar soǹġɪ waqɪtlarɪ multfilmlerdi kòp kòredi, kompyuter kòp oynaydɪ, al erteklerdi siyrek oqɪydɪ. Ertekler sɪyqɪrlɪ ertekler álemine ketti dep oylayman. Bizler olardɪ qalayɪnsha qaytaramɪz? Bizler ne menen baramɪz? (Balalar juwaplarɪ tɪǹlanadɪ) Poezd benen mashina menen samolyot penen biraq biziǹ toparɪmɪzda onday kòlikler joq.
(Tárbiyashɪ gilemsheni ákelip jayadɪ)
Tárbiyashɪ: Balalar qaraǹlar bizlerdɪǹ gilemimiz tesilip qalɪptɪġoy.(Gilemniǹ tesikleri geometriyalɪq figuralar sɪyaqlɪ boladɪ) Ertekler álemine jetiw ushɪn gilemsheni “jamaw” kerek.
Didaktikalɪq oyɪn: “Ornɪna qoy” Balalar berilgen geometriyalɪq figuralarb menen gilemsheni “jamaw”
Tárbiyashɪ: -Balalar qanday geometriyalɪq figuralardɪ kòrip tursɪzlar?
-neshe tɪrtmùyeshlik bar?
-neshe ùsh mùyeshlik bar?
-neshe tuwrɪ mùyeshlik bar?
(Balalardɪǹ juwaplarɪ tɪǹlanadɪ)
Tárbiyashɪ: Bárakella balalar gilemimiz de tayar boldɪ.Báriǹizge sátli sapar tileymen.
Balalar: (Xor menen)
Gilemimiz ushɪp baradɪ
Alɪs jerge aparadɪ.
Qáne doslar kòzdi jumamɪz
Erteklerimizdi tabamɪz.
Tárbiyashɪ: Balalar qaraǹlar qayda kelip qaldɪq? (Muzɪka qosɪladɪ, toġay sesleri esitiledi.)
-Balalar toġayda qalay jùriw kerek?
-Qaraǹlar belgiler bar eken. Shep jaqqa jùrseǹ suwġa batasaǹ, oǹ jaqqa barsaǹ erteklerdi tabasaǹ.
-Balalar bizler qay jerge baramɪz.
(Tárbiyashɪ hám balalar oǹ jaqqa jùrip terektiǹ astɪnan fleshka tawɪp aladɪ.)
Tárbiyashɪ: -Balalar bul ne eken? Ne dep oylaysɪzlar bunda ne jazɪlġan? Qáne hámme jaqsɪlap otɪrɪp alayɪq, birtgelikte tamasha qɪlamɪz.
(Balalar slaydlar arqalɪ “Zumrad hám Qɪmbat”, “Altɪn ġarbɪz” “Tùlki hám tɪrna” h t b erteklerdiǹ sùwretlerin kòrip qaysɪ erteklerge tiyisli personajlar ekenin aytɪw kerek)
Tábiyashɪ: Bárekella balalar. Sizler durɪs ayttɪǹlar. Endi jolɪmɪzdɪ dawam etemiz. (Olar sebetshe hám qalpaqsha tawɪp aladɪ.)
Tárbiyashɪ: Balalar bular qaysɪ ertekke tiyisli?
Balalar: Qɪzɪl qalpaqsha ertegine
(Olar jolɪn dawam etedi. Aldilarɪnan sandɪqsha shɪġadɪ. Sandɪqshanɪ ashɪp qarasa ishinen haywanatlardɪǹ sùwretleri shɪġadɪ.)
Didaktikalɪq oyɪn : “Balasɪn tap”
(Balalar sùwretler arqalɪ haywanatlar balalarɪn durɪs tabadɪ)
Tárbiyashɪ: Jolɪmɪzdɪ dawam etemiz. Balalar mɪna jerde bawɪrsaq otɪr eken
-balalar bawɪrsaq uyinen nege qashɪp ketti?
-zerikkeni hám kempir apasɪ onɪ pisiriwdi umɪtɪp[ ketkeni ushɪn
-aldɪnan shɪqqan haywanlardan ol qalay qutɪldɪ?
-qosɪq aytɪp
-tùlkiden ne ushɪn qutɪlɪp qala almadɪ?
-tùlki hiyleker bolġanɪ ushɪn
-Balalar usɪ ertektiǹ aqɪrɪ sizlerge unayma? Ne ushɪn unamaydɪ? Keliǹ ertekti bɪlayɪnsha òzgertemiz. “ Tùlki: Bawɪrsaq meniǹ qulaġɪm esitpeydi. Murnɪmnɪǹ ùstinde turɪp ayt qosɪġɪǹdɪ.
Bawɪqsaq sekirip tùlkiniǹ murnɪna minip alɪptɪ hám
-Men bawɪrsaq, bawɪrsaq
-Sɪpɪradaġɪ un urpaq
-Men atamnan qashtɪm
-Men apamnan qashtɪm ……
Bawɪrsaqtɪǹ dawɪsɪ sonday jaġɪmlɪ bolġanlɪqtan tùlki uyqɪlap qalɪptɪ. Bawɪrsaq bolsa sekrip tùsip domalap domalap ùyine qashɪp ketipti” Balalar ertek sizlerge unadɪma?
Balalar: Awa. Bizler ertektiuǹ jaqsɪlɪq penen tamamlanġanɪn qáleymiz.
Tárbiyashɪ: Olay bolsa balalar bizler barlɪq erteklerimizdi taptɪq. Endi òz toparɪmɪzġa qaytayɪq. Sizlerge ùyge tapsɪrma: Ata-analarɪǹɪz benen birgelikte “ Bawɪrsaq” ertegin jaǹadan qurastɪrɪp kelesizler.
Taxtakòpir rayonɪ Mektepke shekemgi bilimlendiriw bòlimine qaraslɪ 3-sanlɪ mektepke shekemgi bilimlendiriw shòlkemi
“Ertekler áleminde”
temasɪnda ashɪq shɪnɪġɪw
ISLENBESI
Tárbiyashɪ G.K.Uraznazarova
Do'stlaringiz bilan baham: |
