Shikoyat azirasi

_____________________________

_____________________________

_____________________________

_____________________________

_____________________________

fuqaro B.Ro`zimurodova tomonidan

SHIKOYAT AZIRASI

Men Qashqadaryo viloyati Qarshi shahri Shoxbekat MFY O`zbekiston ko`chasi 14-uy 31-xonadonda yashovchi fuqaro Ro`zimurodova Bibigul xonadonimga yetkazilgan zararni javobgar shaxsdan undirish masalasi bo`yicha kerakli idoralarga bosqichma-bosqich murojaat qilib kelmoqdaman. 2020-yil 25-fevral 23:00 da tuni bilan ikkinchi qavatda yashovchi fuqaro Safarova Gulbahor Ro`ziqulovnaga tegishli bo`lgan xonadondan tamirlanayotgan suv quvurlarini nobop holida qoldirishi natijasida suv toshib birinchi qavatga ya`ni men yashaydigan xonadonga zarar yetkazdi. O`sha tunning o`zida yoq “Baxtiravonservis” XUJMSH raisi N.Achilovaga murojaat qildim. Holis kishilar guvohligida dalolatnoma tuzildi. Yetkazilgan zarar va shaxsiy mol-mulkim dahlsizligini talab qilib advokat Pardayeva Uljonga murojaat qildim. Suv toshirish natijasida xonadonimga yetkazilgan zararni undirish uchun 250 ming davlat boji va 15 610 so`m pochta xizmatlariga to`lovlarni amalga oshirdim. Sudga qadar advokat so`ragan hujjatlarni taqdim qildim. Ammo 2020 –yil 24-iyunda bo`lib o`tgan sudda davogar o`zining davo talablarini isbotlovchi dalillarni sudga taqdim etmadi deya davo arizamni rad etishdi. Advokat Pardayeva Uljon ishni astoydil o`rganmadi, yashash xonadonimga biror marta keladi, ish uchun muhim dalilni ongli ravishda bilib turib yetkazib berishni istamadi. Javobgar shaxslar Saparova Gulbahor, Holboyev Abdurasul sud majlisiga chaqirilgan bo`lsada, sudda qatnashmadi. Dastlabki sud majlisida arizamning rad etilib, viloyat sudiga apellyatsiyaga berishim mumkinligi aytildi. Men apellyatsiya harakatlarini boshladim. Viloyat sudiga oshirilgan apellyatsiyada mutasaddi hodimlari tomonidan to`g`ri yo`l - yo`riq ko`rsatilmaganligi ya`ni ko`rilgan zarar davlat med ekspertizadan o`tkazilmaganligini, unga ham tegishli miqdorda pul to`lashim va ularning hulosasini chiqartirishim kerakligi aytilib, kerakli hujjatlat taqdim qilinmagani uchun davo arizam ikkinchi marta rad etildi. Apellyatsiya sudida chiqarilgan qaror og`zaki tartibda aytilib to`g`ri tushuntirish berilmadi. Sud ishlariga birinchi bor ishi tushib turgan oddiy fuqaro soxa vakillari tomonidan aytilgan barcha rasmiy hujjatlarni to`liq tushinmaydi. Shunday bo`lsada ushbu ish doirasida yig`ilgan hujjatlar va suratlar shifokat arizasiga ilova qilaman. Xonadonimga yetkazilgan zararning javobgari kim ekanligini isbotlovchi holislar ishtirokida tuzilgan dalolatnoma, yetkazilgan zararni isbotlovchi suratlar va uyimni avvalgi holiga keltirish kerak zarur bo`ladigan mahsulotlar uchun tuzilgan dalolatnoma bilan Respublika bosh prokuraturasi eshigigacha kelishga majbur bo`ldim. Fuqaro sifatida o`z huquqlarimni talab qilish, asosiysi mas`ul shaxslarning bir fuqarolarni tinglash, dardiga darmon bo`lish himoya qilish o`rniga sarson-sargardon qilishlaridan aziyat chekib keldim. Yetkazilgan zararni isbotlovchi hujjatlar (dalolatnoma, suratlar, holislar guvohligi) va yetkazilgan zararni davlat tomonidan sud med ekspertizaning baholashi kerakligini birinchi sudning o`zidayoq aytib, talab qilib tegishli qog`ozlar bilan to`la qonli ko`rish mumkin edi. Asosiysi javobgar shaxs bu ishlarga umuman jalb qilinmagan, ikkala sudda ham qatnashmagan. Bundan ko`rinadiki bu sudlarda ish men va javobgar o`rtasida emas, men singari jabrlanuvchilarning huquqlarini himoya qilish uchun tayinlangan davlat amaldorlari o`rtasida bormoqda. 2020-yil 25-fevralda xonodonimga yetkazilgan zarar mana bir yildirki ustiga harajatlar qo`shilsa qo`shiladi qoplangani yo`q. Birinchi sud majlisi 2020-yil 24-iyunda Qarshi tumanlararo sudining sudyasi L.Mahammadiyeva sudya yordamchisi SH. Safarova ishtirokida bo`lib o`tdi. Ikkinchi sud majlisi 2020-yil 12-dekabrda o`tkazilib davo arizam qanoatlantirilmadi. Qaror bilan tanishtirilmadi. Ushbu holat yuzasidan qonun hujjatlarida belgilangan tartibda fuqarolik huquqlarimni himoya qilishingizni mol-mulk dahlsizligini ta`minlashimga yordam berishingizni, kasb shaniga dog` tushirayotgan soha vakillaridan tizimni tozalashingizni so`rab keldim.

Fuqaro: Ro`zimurodova Bibigul Arslonovna