Sherobod agrosanoat texnikumi

Tayanch iboralar:
Statistik kuzatish, kuzatish ob`ekti va birligi, uzlukli va uzluksiz kuzatish, yoppasiga va qiyman kuzatish, bevosita kuzatish, hujjatli kuzatish, so`roqnoma, reprezentativ xato, O`zbekiston Respublikasi Davlat statistika qo`mitasi.


2.1. Statistik kuzatish to`g’risida umumiy tushuncha Har qanday statistik tadqiqot uch bosqichni o`z ichiga oladi:

• 
  statistik kuzatish;
  
• 
  kuzatish materiallarini svodkalash va guruhlash;
  
• 
  kuzatilayotgan voqeani har tomonlama tavsiflovchi-umumlashtiruvchi ko`rsatkichlarni hisoblash va ularni tahlil qilish.
  

Hayot turli xil hodisalarning almashinuvidir. Istagan joyda qulay ahvolda qolish uchun ularni o`rganish va kuzatish kerak, degan edi frantsuz yozuvchisi Bal’zak. Binobarin, har qanday statistik tadqiqot o`sha o`rganilayotgan ob`ekt haqida tegishli ma`lumotlarni to`plash bilan boshlanadi.
Ijtimoiy hodisalar va jarayonlar haqidagi ma`lumotlarni rejali, ilmiy, uyushtirilgan asosda to`plash jarayoni statistik kuzatish deb ataladi. U tekshirishning poydevori, birinchi va eng mas`uliyatli bosqichi hisoblanadi. U qanchalik to`g’ri va chuqur ilmiy mulohazalar asosida tashkil etilsa, oqibatda tekshirish natijalari ham aniq va maqsadga javob bera oladigan bo`ladi. Mas`uliyatsizlik bilan to`plangan noaniq va pala-partish boshlang’ich ma`lumotlar o`rganilayotgan hodisa xususida noto`g’ri yakun va xulosalarni yasashga sabab bo`ladi.
Statistik kuzatish amalga oshirilayotganda bir qator shart-sharoitlarning hisobga olinishi talab qilinadi. Aks holda to`plangan ma`lumotlar ilmiy tekshirish talablarini to`la qondirmasligi va hattoki butunlay yaroqsiz ham bo`lishi mumkin. eng muhim ilmiy talablar, shart-sharoitlar quyidagilardan iborat:

• 
  Statistik kuzatish dalillarni bir-biri bilan o`zaro bog’lanishda va bir butunlikda qayd qilishi lozim.
  
• 
  Ma`lumotar to`la-to`kis bo`lishi uchun eng avvalo kuzatilayotgan to`plamdagi birliklar makon (mintaqa, hudud) chegarasida to`la hisobga olinishi kerak.
  
• 
  Statistik kuzatishning to`laligi ma`lumotlarning vaqt bo`yicha qamrab olinishi bilan ham belgilanadi. Agarda birinchi yilda to`plam kuzatilsayu, ikkinchi yilda uning ayrim birliklari, uchinchi yilda esa qandaydir boshqa birliklar tushib qolsa va shu tarzda kuzatish davom etaversa, u holda olingan ma`lumotlar vaqt bo`yicha to`la-to`kis bo`lmasdan, ularning taqqoslamaligiga putur etadi.
  
• 
  Olinayotgan ma`lumotlar aniq, haqqoniy va ishonchli bo`lishi shart, aks holda ular isbotlab beradigan kuchga ega bo`la olmaydi. Bu erda gap ma`lumotlarning faqat arifmetik jihatdangina (masalan, tiyin, grammgacha) aniq bo`lishi to`g’risida emas, balki u ma`lumotlarning ob`ektiv haqiqatni aks ettirishi to`g’risida boryapti.
  

O`rganilayotgan hodisa va voqealarni tavsiflovchi ma`lumotlar yagona dastur va metodologiya asosda to`planishi lozim. Ma`lumotlarni to`plash dasturi va metodologiyasi hamma hududlar, idora va tashkilotlar hamda davrlar uchun bir xil bo`lishi kerak. Aks holda ular taqqoslama bo`lmaydi va ilmiy tekshirish uchun yaroqsiz hisoblanadi.
Kuzatishning dasturiy-uslubiy masalalari quyidagilarni o`z ichiga oladi (4-chizma).

Statistik kuzatishning dasturiy-uslubiy masalalari

Kuzatish Kuzatish Kuzatish Kuzatish Kuzatish maqsadi dasturi ob`ekti va hisob formulyar va vazi- birligi i va yo`-
falari riqnoma