Shaxsiy kompyuterlar uchun mikroprotsessorlar

8086-8088 rusumli mikroprotsessor 
1978  yili  Intel  firmasi  birinchi  bo‘lib  16  bitli  8086  rusumli 
mikroprotsessorni  ishlab  chiqardi.  Ushbu  mikroprotsessor  80x86  deb  nom  olgan 
butun boshli mikroprotsessorlar oilasining ajdodi bo‘ldi. Sal o‘tgach, uning o‘rniga 
8088  rusumli  mikroprotsessor  kelib,  u  16  bitli  ichki  registrlarga  ega  va  8086 
mikroprotsessorining  arxitekturasini  takrorlagan  bo‘lsa  ham,  tashqi  ma’lumotlar 
shinasi  8  bitni  tashkil  etgan.  IBM  korporatsiyasining  endigina  tashkil  topgan 
bo‘linmasi shaxsiy kompyuter yaratish va ishlab chiqarishga ixtisoslashgan bo‘lib, 
ushbu  bo‘linma  tomonidan  xarid  qilingan  mazkur  qurilmalarning  yirik  partiyasi 
8088 rusumli protsessorni IBM PC ning miyasiga aylantirdi.