Shaxs kamolotida nafosat tarbiyasining o’rni

Shaxs kamolotida nafosat tarbiyasining o’rni Namangan viloyati Yangiqo’rg’on tumani 44-DMTT Musiqa rahbari Sotiboldiyeva O’g’ilxon Abdurasul qizi Yosh avlodni barkamol, ruhan sog’lom, aqliy yetuk etib tarbiyalash har bir pedagog va tarbiyachining asosiy vazifasi va oldiga qo’ygan maqsadidir. Ta’lim-tarbiya berishda pedagoglar tarbiyaning ko’plab turlaridan foydalanib, uni bola ongiga singdiradi. Bolani esa shu muhitda o’sishga, uni amalda qo’llashga o’rgatadilar. Maktabgacha ta’lim tashkilotiga kelgan tarbiyalanuvchi dargohda muhitga moslashish, o’rganish, idrok etish, anglay olish va ko’plab jarayonlarda tarbiyaning ko’plab ko’rinishlari bilan mashg’ulotlar davomida tanishib boradi. Tarbiya jarayonida nafosat tarbiyasining o’rni benihoya katta. Nafosat tarbiyasi barkamol shaxs tarbiyasining ajralmas tarkibiy qismidir. Bolalarda nozik didlilikni, go’zallikni fahmlay va qadrlay olishga o’rgatish nafosat tarbiyasining asosiy masalalaridan biridir. Nafosat tarbiyasi (estetik tarbiya) bu tarbiyalanuvchilarning voqealikdagi, san’atdagi, tabiatdagi, kishilarning ijtimoiy va mehnat munosabatlaridagi, turmushdagi go’zallikni idrok qilishga , hamda to’g’ri tushunishga o’rgatish, ularning badiiy didini o’stirish, ularda go’zallikka muhabbat uyg’otish va hayotiga go’zallik olib kirish qobiliyatlarini tarbiyalashdir. Ba’zi ota-onalar farzandlarida did va farosat o’stirishni yuzaki tushunadilar, o’z bolalarida shu hislatlarni tarbiyalamoqchi bo’lgan vaqtlarida jiddiy xatolarga yo’l qo’yadilar. Chunonchi, Bolani sodda va ozoda kiyintirish o’rniga qimmatbaho kiyim va buyumlar olib beradilar. Shunday qilish bilan bolada nafosat tarbiyasini buzayotganliklarini sezmaydilar. Shuni bilishimiz kerakki, did va farosat tug’ma bo’lmaydi. U bolalarda yoshlik chog’idan boshlab oilada, maktabgacha ta’lim tashkilotida, maktabda, shuningdek, har xil multfilmlar, kinofilmlar, turli madaniy muassasalar ta’sirida tarbiyalanadi va kamolotga yetadi. Nafosat tarbiyasini berish yo’llari: 1. MTTda musiqa mashg’uloti jarayonida (qo’shiq aytish, tinglash, raqsga tushish, ritmik harakatlar).
2. Hisoblash (qo’shish, ayirish, masalalar tuzish; masalan, badiiy jixatdan chiroyli qilib yasalgan ko’rgazmali qurollardan, foydalanish, chiroyli yasalgan maketlarga sanoqli bezaklarni ilish).