Шавкат Мирзиёев 1-Маъруза: Ўзбекистон миллий тараққиётининг янги босқичида фуқаролик жамиятининг шаклланиши ва ривожланиши

1.1.-расм. Фуқаролик жамиятининг ижтимоий структураси

Фуқаролик жамиятининг асоси бўлган инсоннинг «фуқаро» мақомига эга бўлиши унга шу жамиятнинг барқарор ривожланишини таъминлашга қаратилган бурч, масъулият юклайди. Бу эса аввало халққа, Ватанга хизмат қилиш билан боғлиқдир. Шунинг учун жамиятни ислоҳ қилиш ва янгилаш бўйича кўп қиррали фаолиятимиз марказида инсон, суверен Ўзбекистон фуқароси туради. Ислоҳотларнинг мазмуни ҳар бир фуқаро ўз қобилияти ва истеъдодини намоён этишига, шахс сифатида ўзини кўрсатиш имкониятига эга бўлишига қаратилган. Сиёсий ва ижтимоий ҳаётдаги барча ўзгаришлар айни мана шу олий мақсадга – ҳар бир кишининг ҳаётини яхшироқ, муносиброқ, маънавий жиҳатдан бойроқ қилишга бўйсундирилган¹¹.

Тўғри, фуқаролик жамиятига таъриф бериш билан унинг моҳиятини тўлиқ очиб бериб бўлмайди. Шу боис бундай жамиятни барқарор ривожланиши ва аъзоларининг эркин яшаши ҳамда фаолият кўрсатишини, шу билан бирга, конституциявий мажбуриятларининг бажарилишини таъминлайдиган асосий принциплар ва умумий ғояларни аниқлаш орқали тушунтириш мақсадга мувофиқдир.

Сектор Даража	I сектор	II сектор	III сектор
Фаолиятга оид	Давлат	Иқтисодиёт, хусусий бизнес	ННТлар фаолияти
Фуқаролик жамияти	Сиёсий уюшмалар (партиялар, ҳаракатлар)	Иқтисодий уюшмалар (касаба уюшмалари, бизнес-уюшмалар)	Учинчи сектор уюшмалари (ННТ)