Shartli belgilar

Savol va topshiriqlar
1. XIX asr oxiri — XX asr boshlarida Buyuk Britaniyaning eng
ulkan mustamlakachi davlat ekanligini dalillar bilan asoslang.
2. Buyuk Britaniya mustamlakachi imperiyasi qay tariqa tashkil
topdi?
3. Buyuk Britaniya—Rossiya munosabatlari haqida nimalarni bilib
oldingiz?
4. Buyuk Britaniya ham I jahon urushining aybdorlaridan biri
bo‘lganligini asoslab bering.
XIX  ASR  OXIRI — XX ASR
BOSHLARIDA AMERIKA  DAVLATLARI
Amerika Qo‘shma Shtatlari
Fuqarolar urushidan keyin yagona ichki
bozorning vujudga kelganligi, qulchilikning
tugatilishi, quldorlik latifundiyalarining bekor qilinishi, unumdor
yerlarning, foydali qazilma boyliklarining ko‘pligi, sersuv daryolar
va poyonsiz o‘rmonlar, Amerika xalqining tadbirkorligi mamlakat
iqtisodiy taraqqiyotining nihoyatda tezlashuviga sabab bo‘ldi. Ayni
paytda, AQSHga qo‘shni davlatlar (Kanada va Meksika) kuchsiz
edi. Bu hol AQSHni ortiqcha harbiy xarajatlardan xalos etdi. Bundan
tashqari, AQSHga yashash uchun kelganlarning katta qismi amalda
yuqori malakali mutaxassislar edi.
1870—1914-yillarda AQSHga 25 mln. kishi ko‘chib keldi.  Bu
ham AQSH taraqqiyotida muhim rol o‘ynadi. Shuningdek, ishchi
kuchiga doimiy muhtojlik yangi texnika va texnologiyalarning ishlab