Shartli belgilar

Avstriya-Vengriya imperiyasining
tashqi siyosati
Avstriya-Vengriya imperiyasi tashqi siyo-
satining markazida, asosan, Bolqon yarim-
oroli yotgan. Shuning uchun u Bolqonda
egallab olgan slavyan xalqlari yerlarida mustahkam o‘rnashib
olishga, Rossiyaning Bolqon yarimorolidagi ta’sirini keskin kamay-
tirishga jon-jahdi bilan harakat qilgan.
Avstriya-Vengriyaning yakka o‘zi bu vazifaning uddasidan chi-
qa olmas edi. Shuning uchun ham u Germaniya bilan yaqinlashdi.
O‘z navbatida, Germaniya ham bu yaqinlashuvdan manfaatdor
edi. Chunki, bu davrda Germaniya buyuk davlatlar o‘rtasida bo‘-
linib bo‘lgan dunyoni yana qayta bo‘lishga intilayotgan edi. Bu
maqsadning ro‘yobga chiqishi uchun Germaniyaga, albatta, itti-
foqchi zarur edi. Natijada, 1879-yilda bu ikki imperiya o‘rtasida
ittifoq shartnomasi tuzildi.
Bu ikki imperiya, asosan, Bolqon yarim-
orolidagi yerlarga ko‘z tikkandi. Avstriya-
Vengriya bu yerda slavyan xalqlarini o‘ziga
bo‘ysundirishga, ularning mamlakatlarini esa mustamlakaga ay-
lantirishga urinardi. Ayni paytda, Bolqonda Turkiya katta mus-
tamlaka hududlariga ega edi.
Slavyan xalqlari o‘z milliy-ozodliklari uchun doimiy kurash
olib borgan. Bu kurashda ular Rossiyaga tayangan. Rossiya slavyan