«sharq» nashriyot-matbaa aksiyadorlik kompaniyasi bosh tahririyati

BUXGALTERIYA  HISOBIGA  OID  ATAMALAR  LUG‘ATI
Ayni paytda ongimizga ishbilarmonlik, tadbirkorlik, bank sohalaridagi ijtimoiy-
iqtisodiy hodisalarni o‘z vaqtida tahlil qilib qayd etish kundalik hayotimizdan o‘z
o‘rnini topmoqda. Shu bois, davr ruhigà hamnafas iqtisodiy g‘oyalarni, jumladan,
buxgalteriya hisobini o‘rganishda zarur bo‘lgan ibora va iqtisodiy atamalarning
izohli lug‘ati kasb-hunar kollejlari talabalari bilimini boyitishida ushbu qo‘llanmani
yanada to‘ldiradi.
      A
Avans
– bo‘nak. Biror  ish evaziga keyinchalik hisob-kitob qilish sharti bilan
oldindan beriladigan pul, mahsulot, oziq-ovqat va h.k.
Avizo
– hisob-kitob operatsiyasi xususidagi rasmiy bildirish, mijozlarga bank
tomonidan A. orqali  amalga oshirilgan debet va kredit  operatsiyalari,
yozuvlari, hisobdagi qoldiqlar, pul o‘tkazishlar, chek  yozuvlari,
akkreditiv  ochish va boshqa yozuvlar xususidagi  ma’lumotlarning
berilishi.