Шахс йўналганлигини аниқлаш методикаси

ШАХС ЙЎНАЛГАНЛИГИНИ АНИҚЛАШ МЕТОДИКАСИ
(В.Смекал ва М.Кучера. К.Қодиров томонидан модификация қилинган).


Йўриқнома. Саволни диққат билан ўқинг. Жавоблар орасидан Сизнинг ички дунёнгизга энг яқин бўлган жавобни танланг. Энди жавоб варақасининг тегишли сатридан «B» ҳарфини топиб, унинг чап ёнига белги («+») қўйинг.
Ўша саволни яна бир марта ўқинг. Энди қолган икки жавоб варианти («А» ва «С») орасидан Сизнинг назарингизга энг кам тўғри келадиганини ёки Сиз учун қиммати энг паст бўлганини танланг (фараз қиламиз – «А»). Сўнгра жавоб варақасининг яна ўша сатридан «А» ҳарфини топиб, унинг ўнг ёнига («тўғри келмайди» сўзлари остига) белги («+») қўйинг. Учинчи жавоб варианти эса (бизнинг мисолда – «С») ҳеч қаерда белгиланмайди.
Демак, ҳар бир сатрга иккитадан «+» белгисини қўйишингиз керак бўлади: биринчиси – А, B ёки C вариантларидан бирининг «тўғри келади» устунидаги катакчасига, иккинчиси – шу вариантларнинг «тўғри келмайди» катакчасига. Бирорта саволни жавобсиз қолдирманг. Саволлар устида узоқ ўйланиб ўтирманг. Баьзан бир вақтнинг ўзида иккита ёки учала вариант жавоблар тенгдек туюлиши мумкин: диққат қилинг ва эсда сақланг, энг тўғри жавоб ҳаёлга биринчи келган жавобдир.


1. Мен, қачонки:
А. Қилаётган ишимни атрофдагилар қўллаб-қувватлашса;
B. Бирор ишни ўзимга маьқул, кўнглимдагидек қилиб бажарсам;
С. Атрофимда яхши дўстларим борлигини ҳис этсам, ўзимда катта қаноатланиш ҳосил қиламан.
2. Борди-ю келажакда спортчи (футболчи, воллейболчи) бўлганимда эди:
А. Ўйин тактикасига ишлов берувчи киши — тренер бўлишни истар­дим.
B. Машҳур ўйинчи бўлишни истардим.
С. Команда капитани этиб тайинланишимни истардим.
3. Ҳақиқий педагог қуйидаги хусусиятга эга бўлиши керак:
А. Ўқувчиларга алоҳида-алоҳида ёндашиб, ҳар бири билан қи­зиқ­син.
B. Ўқувчиларда предметга нисбатан шундай қизиқиш уйғот­синки, улар шу предмет доирасида кўпроқ билим олишга интилсинлар.
С. Синф жамоасида шундай муҳит яратсинки, унда ҳар ким қўрқмай ўз фикрини очиқ-ойдин баён эта олсин.
4. Мен:
А. Ўзлари бажарган ишдан завқ оладиган кишиларни жуда ёқтира­ман.
B. Жамоада кўпчилик билан меҳнат қилишни ёқтирадиган кишиларни яхши кўраман.
С. Топширилган ишни бошқаларга нисбатан яхшироқ бажаришга интилган кишиларни ёқтираман.