Шаҳар қурилиш хўжалиги

Ўзбекистон Республикаси Транспорт Вазирлиги Ҳузуридаги Автомобиль Йўллари Қўмитаси “Йўл -Лойиҳа Экспертиза” Унитар Корхонаси Ташкилий Тузилмаси
“Йўл лойиҳа экспертиза” Давлат корхонаси 1997 йил 27 августдаги 183- сонли буйруққа асосан ташкил топган.
Ўзбекистон Республикаси Президентининг 2006 йил 14 ноябрдаги
ПҚ-511-сонли ""Ўзавтойўл" давлат акциядорлик компаниясининг ташкилий тузилмасини такомиллаштириш чора-тадбирлари тўғрисида" ги Фармони билан корхона ДАК ташкилий тузилмасига киритилди.
Ўзбекистон Республикаси Президентининг 2017 йил 14 февралдаги ПҚ-2776-сонли "Ўзбекистон Республикаси Автомобиль йўллари давлат қўмитаси ва Ўзбекистон Республикаси Вазирлар Маҳкамаси ҳузуридаги Республика йўл жамғармаси фаолиятини ташкил этиш тўғрисида"ги фармони билан корхона номи унитар корхонага ўзгартирилди ва Ўзбекистон Республикаси Автомобиль транспорти давлат қўмитаси таркибига киритилди.
Ўзбекистон Республикаси Вазирлар Маҳкамасининг 2019 йил 19 апрелдаги 337-сонли "Ўзбекистон Республикаси транспорт вазирлиги ҳузуридаги фуқаро авиацияси агентлиги, темир йўлларда юк ва йўловчилар ташиш хавфсизлигини назорат қилиш инспекцияси ва йўл-қурилиш ишлари сифатини назорат қилиш инспекцияси фаолиятини ташкил этиш тўғрисида" ги қарорига асосан Ўзбекистон Республикаси Транспорт вазирлиги Йўл қурилиш ишларининг сифатини назорат қилиш инспекцияси таркибига киритилди.
Ўзбекистон Республикаси Президентининг 2019 йил 9 декабрдаги ПҚ-4545-сонли "Йўл хўжалигини бошқариш тизимини янада такомиллаштириш чора-тадбирлари тўғрисида" ги фармони билан Ўзбекистон Республикаси Транспорт вазирлиги ҳузуридаги Йўллар қўмитаси таркибига киритилди.
“Йўл лойиҳа экспертиза” УК нинг ривожланиш стратегияси сифат бўйича корхона сиёсатини мураккаб комплекс лойиҳаларни бошқаришда ваколатларини янада ривожлантиришга йўналтирилган бўлиб, қуйидаги асосий йўналишларни ўз ичига олади:

• 
  буюртмачи ва пудратчилар билан ҳамкорликни ривожлантириш;
  
• 
  ишларни амалга оширишнинг барча босқичларида сифат назоратини олиб бориш (кириш, даврий ва якуний назоратлар);
  
• 
  бозорларни мунтазам равишда ўрганиш, реклама ва кўргазмаларда қатнашиш;
  
• 
  илғор технологияларни тадқиқ этиш, корхонанинг техник салоҳиятини ошириш учун янги замонавий ускуналар, ўлчов асбобларини харид қилиш;
  
• 
  моддий ресурсларни тақсимлашни оптималлаштириш;
  
• 
  раҳбарларнинг, барча тоифадаги мутахассисларнинг ва ходимларнинг малакасини ошириш, ўз иши сифати доирасида ваколатини кенгайтириш ва маъсулятини ошириш;
  
• 
  ходимларнинг малакаси ва профессионал маҳоратини ошириш;
  
• 
  ижтимоий-иқтисодий ишлаш ва яшаш шароитларини яхшилаб бориш, сифат кўрсатгичлари бўйича юқори натижаларга эришган ходимларни рағбатлантириш.