Ш. З. Умарованинг таҳрири остида

15.5. Ишлаб чиқаришда фармацевтик маҳсулотлари сифат назоратини 
ташкил қилиш 
Ишлаб чиқаришдаги сифат назоратини шартли равишда иккига, ишлаб 
чиқариш биноси, асбоб-ускуналар яроқлилигини ва ходимлар малакасини 
текшириш билан боғлик бошланғич сифат назоратига ҳамда бевосита техник 
жараён сифат назоратига ажратиш мумкин. 
Техник назорат тизими
ишлаб чиқариш жараёнининг ажралмас қисми 
ҳисобланади (назорат обьектлари, назорат жараёнлари ва уларнинг тартиби, 
иш жойининг техник жиҳозланиши, назорат усуллари, назорат жараёнларини 
механизациялаш ва автоматлаштириш воситалари) ва бу жараён корхонанинг 
техник назорат бўлими (ТНБ) томонидан амалга оширилади. Корхона техник 
назорат бўлимининг асосий вазифаси корхона томонидан сифат стандартлари 
талабларига жавоб бермайдиган дори воситалари, тиббий буюмлар, тиббий 
техникани ишлаб чиқарилишининг олдини олиш ҳисобланади. Шунингдек, 
бу бўлим ишлаб чиқаришда тартиб-интизомни мустаҳкамлаш ва ишлаб 
чиқаришнинг барча бўғинларида дори воситалари, тиббий буюмлар, тиббий 
техника сифатига нисбатан масъулиятни ошириш каби вазифаларни ҳам 
бажаради. ТНБ тузилиши ва штатлар сони ишлаб чиқариш хусусияти, ҳажми 
ва назорат жараёнларининг мураккаблигидан келиб чиқиб белгиланади ва 

---

549 
ташкилот раҳбари томонидан тасдиқланади. Корхона бўлимлари ва 
цехларининг маҳсулот техник назорати билан шуғулланадиган барча 
ходимлари ТНБ таркибига киради. 
Фармацевтик корхонада сифатсиз дори воситалари, тиббий буюмлар, 
тиббий техникани ишлаб чиқарилса, жавобгарлик корхона раҳбарияти ва 
шундай маҳсулот чиқишига айбдор бўлган цех раҳбарлари (шу жумладан 
ТНБ ходимлари)га юклатилади. 
Корхона фақат ТНБ қабул қилган дори воситалари, тиббий буюмлар, 
тиббий техниканигина сотиши мумкин. Дори воситалари, тиббий буюмлар, 
тиббий техникага айни шу маҳсулот белгиланган талабларга жавоб 
беришини 
тасдиқловчи 
аналитик 
паспорт 
ёки 
бошқа 
ҳужжат 
расмийлаштирилган бўлиши шарт.