Ш. З. Умарованинг таҳрири остида

Бирлашган миллатлар ташкилоти (БМТ) (United Nations, UN) 
1945 йилда ташкил топган. Ҳозирда дунёнинг 200 дан ортиқ 
давлатларни бирлаштиради. БМТнинг асосий мақсади давлатлар ўртасидаги 
бахсларни тинчлик йўли билан ечиш ва коллектив чораларни қабул қилиш 
йўли билан халқаро тинчлик ва хавфсизликни таъминлашдан иборат. 
Ташкилотнинг мақсадларига яна иқтисодий, ижтимоий, маданий ва 
гуманитар характердаги муаммоларни ечишда халқаро хамкорликни амалга 
ошириш ҳам киради. БМТ, аъзо давлатлар томонидан қабул қилиш ва амалга 
ошириш учун таклиф этиладиган, тавсиялар, конвенциялар ва чора-
тадбирлар ишлаб чиқади. Бош ассамблея БТМнинг маслаҳатлашувчи, 
директив ва вакилликбош органи ҳисобланади. БМТнинг соғлиқни сақлаш 
соҳасидаги сиёсати Иқтисодий ва ижтимоий кенгаши, шунингдек бир қатор 
ихтисослаштирилган ташкилотлари ва фондлари, биринчи навбатда Жаҳон 
соғлиқни сақлаш ташкилоти (ЖССТ), орқали амалга оширилади. 
Европа Кенгаши 
1949 йилда ташкил топган, Европанинг (шу жумладан ЕИ давлатлари) 
50 га яқин давлатларини бирлаштирувчи халқаро ташкилот. Европа Кенгаши 
фаолияти давлатлар орасида ҳуқуқ стандартлари, инсон ҳуқуқларини 
таъминлаш ва қонунийлиги, демокатик ривожланиш, маданий ўзаро алоқалар 
соҳаларида халқаро ҳамкорликка йўналтирилган.

---

52 
Жаҳон соғлиқни сақлаш ташкилоти (ЖССТ) (World Health 
Organization, WHO) 
Ҳукуматлараро келишувлар асосида ташкил этилган БМТнинг 
ихтисослаштирилган ташкилоти. ЖССТ 1946 йилда БМТ Бош ассамблеяси 
қарорига биноан ташкил этилган. 2014 йил ярми ҳолатига кўра ЖССТ 
таркибига 194 давлат кирган. ЖСТнинг бош органи Бутунжаҳон соғлиқни 
сақлаш ассамблеяси ҳисобланиб, унинг резолюциялари билан ЖССТнинг 
асосий ҳужжатлари қабул қилинади. Ҳозирги кунга келиб, ЖССТнинг 
вазифаларига қуйидагилар киради: саломатлик учун фавқулотда аҳамиятга 
эга бўлган масалаларда ташкилотнинг етакчилигини таъминлаш ва уларни 
ечиш учун давлатлараро шериклик муносабатларини йўлга қўйиш; илмий 
тадқиқотлар соҳасида кун тартибини ишлаб чиқиш, қимматли билимлар 
олиш ва тарқатишни рағбатлантириш; соғлиқни сақлаш соҳасида меъёрлар ва 
стандартларни ўрнатиш ва уларга риоя этилишига кўмаклашиш ва назорат 
қилиш; соғлиқни сақлаш соҳасида сиёсатни амалга оширишга бўлган 
ёндашувларни аниқ шароитлардан келиб чиққан ҳолда таҳлил қилиш, 
жумладан этика масалаларини ечиш; техник кўмакни таъминлаш, ижобий 
ўзгаришларни фаоллаштириш ва мазкур ўзгаришлар олиб келувчи тегишли 
дастурларни амалга ошириш; соғлиқни сақлаш соҳасида вазиятни назорат 
қилиш ва унинг ўзгариш динамикасини баҳолаш.