Ш. З. Умарованинг таҳрири остида

“Сифатли лаборатория амалиёти” (Good Laboratory Practice – GLP)
янги дори воситаларининг инсон, ҳайвон организмига ва атроф-муҳитга 
таъсирини баҳолаш учун, уларни клиникагача ўрганиш босқичида 
ўтказиладиган илмий тадқиқотларнинг сифати ва стандартлигини 
таъминлашни ўз олдига мақсад қилиб қўяди. 
“Сифатли клиник амалиёти” (Good Clinical Practice – GCP)
синов 
субъектининг ҳуқуқларини ҳимоя қилиш ва дори воситалари синови 

---

545 
жараёнида ҳато ва қалбакиликни олдини олиш учун ишлаб чиқилган клиник 
синовларни ўтказиш қоидаларини ўз ичига олади. GCP қоидаларида клиник 
синовларини режалаштириш, ўтказиш, мониторинг, аудит, ҳисобот, 
ҳужжатлаштирилиш тартиби келтирилиб, бу қоидаларнинг татбиқи 
синовларнинг илмий ва биэтик қоидалари асосланганлигини кафолатлайди. 
 
15.4. Дори воситалари сифатини назорат қилиш лабораторияси 
ишини ташкил қилиш 
Дори воситалари сифатини назорат қилиш бўйича лаборатория ёки 
марказлар Ўзбекистон Республикаси дори воситалари ва тиббий техника 
сифатини таъминловчи назорат-рухсатнома тизимининг таркибий қисми 
ҳисобланади. 
Дори воситалари сифатини назорат қилиш бўйича ваколатли 
лабораторияларни асосий қисми Соғлиқни сақлаш муассасаси ҳисобланиб, 
ишлаб чиқариш фаолияти бўйича Ўзбекистон Республикаси Соғлиқни 
сақлаш вазирлиги “Дори воситалари, тиббий буюмлар ва тиббий техника 
экспертизаси ва стандартизацияси давлат маркази” давлат унитар корхонаси, 
молиявий ишлар бўйича ҳудудий давлат органларига буйсунади. 
Лаборатория ўз фаолиятида Ўзбекистон Республикаси қонунлари, 
қарорлари, Соғликни сақлаш вазирлиги буйруқлари, йўриқномалари ва 
бошқа меъёрий ҳужжатларга амал қилади. Лабораториянинг ташкилий 
тузилиши ва ходимлар штати асосий вазифаларига, бажариладиган иш 
ҳажмига ва амалдаги меҳнат қонунчилигига мувофиқ равишда аниқланади. 
Лаборатория, унга юклатилган вазифаларни бажарилишини ва ходимлар 
меҳнат 
фаолиятининг 
хавфсизлигини 
таъминловчи, 
шунингдек, 
лойиҳалаштиришнинг қурилиш меъёрлари талабларига жавоб берувчи 
бинода жойлашган бўлиши керак. Лаборатория юридик шахс ҳисобланади. 
Унинг молиявий маблағларини сақлаш ва барча турдаги ҳисоб-китоб, кредит 
ва касса операцияларини амалга ошириш мақсадида банкда мустақил 

---

546 
баланси, ҳисоб ва бошқа счёт рақамлари бўлади. Алоҳида мулкка, номи ва 
реквизитлари келтирилган штамп ва муҳрга эгадир. 
Лаборатория иш фаолиятини юритиш учун“Дори воситалари, тиббий 
буюмлар ва тиббий техника экспертизаси ва стандартизацияси давлат 
маркази” 
давлат 
унитар 
корхонаси 
ва 
“Ўзстандарт” 
агентлиги 
аккредитациясидан ўтган ва лицензия олган бўлиши керак.