Ш. З. Умарованинг таҳрири остида

 
11.3.Бўлимлардан дори воситаларини талабномалар асосида бериш 
тартиби 
Дорихона иш фаолиятини Ўзбекистон Республикаси қонунлари, 
Президент Фармонлари, Вазирлар Маҳкамасининг қарорлари, Соғлиқни 
сақлаш вазирлигининг буйруқ ва фармойишларига ҳамда бошқа амалдаги 
меъёрий ҳужжатлар талаблари асосида олиб боради. Дорихонада миқдорий
ҳисобга олинадиган дори воситаларининг рўйхати Соғлиқни сақлаш 
вазирлигининг амалдаги буйруқлари асосида тасдиқланади ва уларнинг 
ҳисоби белгиланган тартибда расмийлаштирилган.махсус журналларда олиб 
борилади. Ушбу журналлар тўлгандан сўнг амалдаги меъёрий ҳужжатлар 
талаблари асосида сақланади ва сақлаш муддати тугагандан сўнг белгиланган 
тартибда йўқ қилинади.
 
Даволаш-профилактика муассасаларининг бўлимлари дори воситалари 
ва тиббий буюмларни талабнома асосида дорихонадан олади. Талабномада 
муассасанинг штампи, муҳри босилган бўлиши шарт ва у раҳбар ёки даволаш 
ишлари бўйича раҳбар муовинининг имзоси билан тасдиқланади. 
Талабномада дори воситасининг номи, дозаси, тури (таблетка, ампула, 
суртма, қаламча ва бошқалар), умумий миқдори ва ўрам тури(қути, флакон ва 
бошқалар) кўрсатилади. 
Талабномада дори воситасининг номи лотин тилида ёзилади ва қўллаш 
усули кўрсатилади (ичиш учун, инексия учун, сиртқи, кўз томчиси ва 
бошқалар). Агар талабнома (дори воситаси) маълум бир бемор учун ёзилса, 
унда беморнинг фамилияси, исми, шарифи, касаллик варақа рақами 
кўрсатилади. Дорихонадан дори воситалари масъул ходим томонидан 

---

424 
даволаш-профилактика муассаса бўлими ҳамширасига талабнома асосида 
берилади. Талабнома икки нусхада тўлдирилади, биттаси дорихонада 
ҳисобот учун олиб қолинади, иккинчиси берилган товар билан бўлимга 
қайтариб берилади. 
Гиёҳвандлик воситалари, психотроп моддалар ва прекурсорларнинг сақлаш, 
бериш, сотиш, тақсимлаш ва ҳисобга олиш шартлари тўғрисидаги Низомга 
ўзгартириш киритиш ҳақидаги ЎЗ. Р. Соғлиқни сақлаш вазирлигининг 2007-
йил 3 августдаги 103-сонли буйруғининг тегишли бандлари талабларига 
мувофиқ олиб борилади. 
Этил спиртининг ҳисобини олиб бориш, бўлимларга бериш, сақлаш 
Соғлиқни сақлаш вазирлигининг 1999-йил 26-июлдаги 462-сонли 
буйруғининг талабларига мувофиқ олиб борилади. 
Гиёҳвандлик, психотроп воситалари, прекурсорларга ҳамда заҳарли 
моддалар ва этил спиртига алоҳида-алоҳида талабномалар ёзилади. 
Талабномада даволаш-профилактика муассасанинг штампи, юмалоқ муҳри 
босилган бўлиши ҳамда бош шифокор ёки даволаш ишлари бўйича 
муовинининг имзоси билан тасдиқланади. Ушбу дори воситалари бир 
марталик ишончнома асосида берилади.
Даволаш-профилактика муассаса бўлимлари томонидан талабномалар ёзиш 
ва тўлдириш Соғлиқни сақлаш вазирлигининг 2002-йил 26-июндаги 297-
сонли буйруғининг «Дорихона муассасаларидан дори воситаларини бериш 
тартиби»нинг тегишли бандларига мувофиқ расмийлаштирилади.