Щ з б е к и с т о н р е с п у б л и к а с и

Ish bo‘yicha hisobotda: Ishning maqsadi, kerakli jihozdar, berilgan topshiriqlar, ishning bajarish tartibi hamda olingan ma’lumotlarga asosan rul va tormoz mexanizmlarining o‘lchash joylari 5 va 7-rasmlarda ko‘rsatilgan holda chiziladi va aniqlangan kamchiliklar hamda ularni bartaraf etilganligi to‘g‘risida xulosa keltiriladi.


Nazorat savollari:
1. Rul chambaragining salt burilishini mohiyatini tushintiring.

2. 
   Rul chambaragining salt burilishi 15 gradusdan ko‘p yoki kam bo‘lsa qanday salbiy oqibatlarga olib kelishi mumkin?
   
3. 
   Traktorning tormozlanish yo‘li qaysi tezlikda aniqlanadi?
   
4. 
   Transport vositasining yuk tashishda tormozlanish yo‘li uzun bo‘lishi nimalarga bog‘liq ekanligini ayting.
   

4- laboratoriya ishi

Mavzu: Traktor old chiroqlarining yorug`lik yo`nalishini to`g`ri o`rnatish

Ishning maqsadi: Traktorlar oldingi chiroqlarining yorug`lik yo`nalishini tekshirish va to`g`ri o`rnatish tartibini o`rganish.

Kerakli jihozlar: Gʻildirakli traktor, ruletka, lineyka.
Qishloq xo’jaligi mahsulotlarini ishlab chiqarishda ko’plab ishlar, masalan, yuklarni tashish, umumiy ishlar (yer haydash, tirmalash, chizellash va boshqalar) ikki va uch smenada bajariladi. Bunda traktorlar kechasi ishlashga to`g`ri keladi. Ayniqsa, transport vositalaridan foydalanishda ularni ishlab chiqaruvchi zavod va firmalarning ko`rsatmalariga asosan chiroqlari maxsus yo`riqnomalarga ko`ra sozlanmasdan ishlatilishi taqiqlanadi. Traktor chiroqlarini sozlash ishlari tekis, yuzasi qattiq va mahsus maydonchalarda (8- rasm) o`tkaziladi.



8-rasm. Traktor chiroqlarining sozlash ekranini belgilash: a) ekranni belgilash; b) ekrandagi yorug`lik dog`lari (barcha traktorlar uchun); v) MTZ-80 va MTZ-100 traktori chiroqlarining ekrandagi dog`lari: g) maydoncha satxini o`lchash moslamasi; 1- ekran; 2-shisha naycha; 3- rezina naycha.

Maydoncha oq ekran 1 (oqlangan devor bo`lishi mumkin) va maydon yuzasini tekisligini aniqlovchi shisha 2 va rezina 3 dan tashkil topgan moslama bilan jihozlangan bo`lishi kerak. Ekranda har bir traktor uchun ishlab chiqaruvchi zavod va firmalar yo`riqnomalarida ko`rsatilgan holda chizilgan shakllar joylashtirilgan bo`lishi lozim. Agar bunday ma`lumotlar bo`lmasa, maydoncha quyidagi ko`rinishda tayyorlanadi. bo`lmasa, maydoncha quyidagi ko`rinishda tayyorlanadi. Chiroqlarini to`g`ri sozlash uchun traktor ekran 1 dan 5...12 m masofada (traktorning tashqi o`lchamlariga qarab) gorizontal holatda unga nisbatan perpendikulyar ko`rinishda qo`yiladi. Ekranga qora bo`yoq bilan h balandlikda gorizontal holatda A-A va traktor harakat yo`nalishiga nisbatan masofada vertikal holatda o`ng tarafiga O`-O` va chap tarafiga Ch-Ch chiziqlar chiziladi.