Sh. Muhitdinov "Uzprommash" ajning aksiyadori, uning oddiy aksiyalari

---

Kazus 
Sh.Muhitdinov “Uzprommash” AJning aksiyadori, uning oddiy aksiyalari 
52000 dona, 0,2%ni tashkil etadi.
2020 yil 16 dekabrda AJ aksiyadorlari umumiy yig„ilish o„tkazib, unda AJni 
“Sanoateksport” AJga qo„shib yuborish orqali qayta tashkil etish haqida qaror qabul 
qilindi. Bu yig„ilishda Muhitdinov ishtirok etmadi. Muhitdinov AJ boshqa AJga 
qo„shilib ketishi haqida xabar topgach, 4 yanvar kuni AJGa o„z aksiyalarini bozor 
narxida sotib olishni talab qilib murojaat qildi. Uning fikricha, AJ to„g„risidagi 
qounun 40-41-moddalarida belgilangan huquq vujudga kelgan. 
AJ esa Muhitdinovga rad javobi berib, aksiyalarini sotib olmasligini, chunki u 
qayta tashkil etish qarori qabul qilingan umumiy yig„ilishda uzrli sababsiz ishtirok 
etmaganini aytdi. Qolaversa, AJ umumiy yig„ilish haqida korporativ sayt va OAVda 
e‟lon qilganini ta‟kidladi.
Muhitdinov esa AJ uni yig„ilish haqida xabardor qilinmaganini, aynan uning 
yashash manziliga ham, elektron pochtasiga ham umumiy yig„ilish haqida xabar 
kelmaganini aytdi. U sudga AJga o„z aksiyalarini sotib olish majburiyatini yuklashni 
so„rab murojaat qildi.
Sudda Muhitdinov (da‟vogar) umumiy yig„ilishda ishtirok etmagani uzrli 
ekanini, sababi AJ (javobgar) uni elektron pochta orqali xabardor qilmaganini, AJ 
qonuning 62-moddasida xabardor qilish shartligi ko„rsatilganini iddao qildi.
Javobgar esa Muhitdinov o„z elektron pochtasi manzilini taqdim etmaganligini 
va shu sababli uni elektron pochta orqali xabardor qilish imkoni bo„lmaganini aytdi. 
Qolaversa, javobgar tegishli ravishda o„z korporativ saytida, OAVda va korporativ 
ma‟lumot portalida umumiy yig„ilish haqida e‟lon qilganini ta‟kidladi. Uning fikricha, 
o„z ma‟lumotlari haqidagi o„zgarishlarni taqdim etish aksiyadorning majburiyatidir, 
agar aksiyador o„z ma‟lumotini (elektron pochta manzilini) taqdim etmagan (demak, 
majburiyatini bajarmagan) ekan, jamiyat uni ushbu elektron manzil orqali xabardor 
qilolmaydi. Bundan tashqari, Muhitdinovning yashash manzili ham o„zgargan va 
o„zgargani haqida jamiyat yoki depozitariyni ogohlantirmagan (lekin yashash joyiga 
(na yangi va na eskisi) xabarnoma yuborilmagan).
Vaziyatga huquqiy baho bering, adolatli yechim taklif eting va fikrlaringizni 
aniq dalillar, normalar, doktrinalar bilan asoslang.