Ш. А. Султонов реал секторни давлат томонидан тартибга солиш

Илғор хорижий тажриба билан узвийлик.
_{Мазкур мажмуа илғор хорижий тажрибани кенг ўрганиш, умумлаштириш ва ундан таълим ва тадқиқотлар жараёнида самарали фойдаланиш маҳсулидир.}
Ўзбекистон Республикаси Президентининг 2018 йил 5 июндаги “Олий таълим муассасаларида таълим сифатини ошириш ва уларнинг мамлакатда амалга оширилаётган кенг қамровли ислоҳотларда фаол иштирокини таъминлаш бўйича қўшимча чора-тадбирлар тўғрисида”ги ПҚ-3775-сонли қарорда “Ўқув машғулотларини талабаларни инновацион фикрлашга йўналтирадиган ўқитиш технологиялари ва интерфаол услубларни жорий этиш асосида ташкил этиш, асосий эътиборни талабаларнинг мустақил таълим олиши билан боғлиқ механизмларни амалга оширишга қаратиш” долзарб вазифа сифатида белгиланган.¹

_{Ўзбекистон Республикаси Президенти томонидан 2017 йил 20 апрелда имзоланган “Олий таълим тизимини янада ривожлантириш чора-тадбирлари тўғрисида»”ги қарорда “ҳар бир олий таълим муассасаси жаҳоннинг етакчи илмий-таълим муассасалари билан яқин ҳамкорлик алоқалари ўрнатиш, ўқув жараёнига халқаро таълим стандартларига асосланган илғор педагогик технологиялар, ўқув дастурлари ва ўқув-услубий материалларини кенг жорий қилиш, ўқув-педагогик фаолиятга, мастер-класслар ўтказишга, малака ошириш курсларига хорижий ҳамкор таълим муассасаларидан юқори малакали ўқитувчилар ва олимларни фаол жалб қилиш, уларнинг базасида тизимли асосда республикамиз олий таълим муассасалари магистрант, ёш ўқитувчи ва илмий ходимларининг стажировка ўташларини, профессор-ўқитувчиларни қайта тайёрлаш ва малакасини оширишни ташкил қилиш”}² _{вазифалари алоҳида таъкидланган.}

_{Ушбу қарорларда белгиланган вазифаларни амалга ошириш мақсадида таълим ва тадқиқотларнинг мазкур ахборот-ресурс манбаини ишлаб чиқишда Данкин Университети, Массачусетс Технология институти ва Нью-Йорк Давлат Университети (АҚШ), Оксфорд Университети, Бат Университети ва Лондон Метрополитен Университети (Буюк Британия), Бремерхафен Университети (Германия), Васеда Университети (Япония), Кемёнг Университети (Корея Республикаси), Шанхай Университети (ХХР) ва бошқа етакчи хорижий университетлар бой ижобий тажрибасидан самарали фойдаланилди.
Мажмуани такомиллаштириш масалалари.
Ушбу ўқув-услубий мажмуа ўқув йили мобайнида халқаро ва миллий иқтисодиёт тизимидаги ўзгаришлар ва тенденциялар, янги қабул қилинган қонунлар, фармонлар ва қарорларни, хорижда ва республикада чоп этилган янги ўқув ва илмий адабиётларни, фан-техника ва технология борасида эришилган янги ютуқларни ҳисобга олган ҳолда мунтазам такомиллаштирилиб борилади.}
“Реал секторни давлат томонидан тартибга солиш” фани ўз ичига қуйидаги вазифаларни олади:
- реал секторни тартибга солишнинг давлат механизми амал қилиш соҳалари ва шакллари, бозор механизми билан ўзвийлигини таъминлаш зарурлигини очиб бериш;
- реал секторни тартибга солиш усулари борасидаги турли назариялар ва концепцияларни таҳлил этиш, давлат иқтисодий сиёсатидан келиб чиққан ҳолда иқтисодиётни тартибга солиш усулларини ўрганиш, бу борадаги ривожланган мамлакатлар тажрибаларини билиш;
- Ўзбекистонда иқтисодиётини тартибга солиш механизмининг шаклланиши ва ривожланиши, давлатнинг бош ислоҳотчи вазифасини бажариш усуллари, воситалари ва йўналишларини аниқлаш;
- реал секторни давлат томонидан тартибга солиш усулларининг мақсади, вазифалари ва уларни амалга оширишнинг йўналишлари ҳамда иқтисодиётни тартибга солишнинг шакл ва воситаларини таҳлил қилиш;
- иқтисодиётни тартиблашнинг бозор ва давлат механизмлари уйғунлигини таъминлашга қаратилган чора-тадбирлар йўналишларини таҳлил қилиш ва бу борада қарорлар қабул қилишни ўрганади.
Шунингдек, “Реал секторни давлат томонидан тартибга солиниши” фани фундаментал фанлардан бири бўлиб, бошқа иқтисодий фанларни чуқур ўрганишда асос бўлиб хизмат қилади.