Ш. А. Маннонов номли “ёш бухгалтерлар клуби”

Илмий натижа кенг маънода – бу билимлар тизимининг ва/ѐки 
билимларни қўллашдан олинган самаранинг у ѐки бу кўринишдаги 
ифодаси; торроқ маънода – бу илмий методлар, яъни у ѐки бу илмий - 
услубий аппаратни қўллаш асосида олинган тадқиқот натижаси ѐки 
ишланма.
Тадқиқотнинг якунловчи босқичида олинган натижаларни амалиѐтга 
татбиқ қилиш, диссертация ва авторефератни ўрнатилган қоидаларга 
мувофиқ илмий-адабий жиҳатдан юксак савияда расмийлаштириш ишлари 
амалга оширилади. 
Изланувчи 
диссертация 
материалларини 
расмийлаштиришда 
қуйидаги умумий қоидаларга риоя қилиши зарур: 
боблар ҳамда бўлимларнинг номланиши ва мазмуни диссертация 
мавзусига мос келиши ва ундан четга чиқмаслиги лозим. Боблар 
мазмуни мавзуни, бўлимлар мазмуни эса бобни тўла қамраб олиши 
лозим; 
даставвал, навбатдаги боб(бўлим)ни ѐзиш учун материалларни ўрганиб, 
унинг режасини, асосий ғояларини ва аргументлаш тизимини ўйлаб 
кўриш ҳамда буларнинг барчасини ѐзиб бориш зарур. Бунда 
диссертация ишининг бош ғоясини эътибордан чиқармаслик, ҳар бир 
ҳолатини аниқлаштириб, айрим қисмлар ва қоидаларни «сайқаллаб», 
зарур қўшимчаларни киритиб, ошиқчаларини чиқариб, таҳрир қилиб, 
имло хатоларини тузатиб бориш зарур; 
ҳаволалар расмийлаштирилишини текшириш, адабиѐтлар манбаларига 
ҳавола қилинишини жойида текшириш ва аниқлаштириш; 
охирги тузатишларни киритишга шошмасдан, бир оз вақт ўтганидан 
сўнг, материаллар бир оз «ѐтганидан» сўнг яна қайта кўриб чиқиш 
керак. Бунда айрим нотўғри расмийлаштирилган, далиллар кучсиз ва 
аҳамиятсиз фикр-мулоҳазалар ва хулосалар аниқланади. Шундан сўнг 
буларни яхшилаш ѐки чиқариб ташлаш, ҳақиқатда зарурларинигина 
қолдириш мумкин; 
жимжимадор жумлалар тузиш, «импорт» атамалар ва «сўз ўйини»га 
берилмаслик керак. Чунки катта миқдордаги иқтибосларни келтириш, 
кўпчилик эшитиб улгурмаган, янги, изоҳсиз ва шарҳларсиз тушуниб 
бўлмайдиган «импорт» атамалар изланувчининг фикрини тушунишини 
қийинлаштиради. Шунинг учун баѐн қилиш услуби илмий жиҳатдан 

---

129 
қатъий, амалий жиҳатдан қўлланувчан, тушунарли ва ифодали бўлиши 
лозим; 
мазмунига кўра материалнинг адабий баѐни осойишта(ҳиссиѐтсиз), 
аргументланган ѐки мунозарали, танқидий, қисқа ѐки батафсил, ѐйиқ 
бўлиши мумкин; 
ўзингиздан олдинги олимлар томонидан тадқиқ қилинаѐтган муаммо 
бўйича бажарилган барча ишларни инобатга олган ва таъкидлаган ҳолда 
илмий камтаринликка риоя қилиш, илмга қўшган ўзингизнинг шахсий 
улушингизни ҳиссиѐтларга берилмасдан, хушѐр ва холисона баҳолаш; 
тадқиқот материалларининг охирги (тоза) вариантини босмадан 
чиқаришдан олдин натижаларни синов(апробация)дан ўтказиш: 
тақризлар олиш, экспертиза қилиш, семинарлар, конференциялар ва 
симпозиумларда муҳокама қилиш, сўнгра аниқланган камчиликларни 
тузатиш.