Ш. А. ДЎстмуҳамедова, З. Т. Нишанова, С. Х. Жалилова

юртимизда яшаётган барча фуқаролар учун муносиб ҳаёт
шароитларини ташкил килиб беришдан иборатдир. Айнан шунинг 
учун ҳам маънавий жиҳатдан мукаммал ривожланган инсонни 
тарбиялаш, таълим ва маорифни юксалтириш, миллий уйғониш 
ғоясини рўёбга чиқарадиган янги авлодни вояга етказиш 
давлатимизнинг энг муҳим вазифаларидан бири бўлиб қолади", деган 
эдилар. 
Мактаб жамиятнинг ижтимоий институтларидан бири. Мактаб 
жамиятнинг бугуни эмас, балки келажакка йўналтирилган ривожини 
белгилайди. Мактабнинг мақсади таълим ва тарбия беришдир. 
8.1. 
Ўрганиш жараёнининг моҳияти, турлари  
Инсоннинг ҳаётий тажрибани билимлар, кўникмалар ва малакалар 
тариқасида ўзлаштирадиган бир неча тушунчалар мавжуд.Бу ўқув 
фаолияти, таълим, ўқиш ва ўрганишдир.

---

Бундай 
фаолият унга атроф-муҳитга мослашишга, ўзининг 
асосий эҳтиёжлари, шунингдек, ақлий ўсиш ва шахсий ривожланиш 
эҳтиёжларини қондириш имконини беради.
Ўқув фаолияти бу шундай фаолиятки, унда шахснинг психик 
жараёнлари шаклланади ва ривожланади, унинг асосида янги 
фаолиятлар юзага келади. Ўқув фаолияти инсоннинг бутун ҳаёти давомида 
намоён бўлувчи узлуксиз жараёндир.
Таълим ҳақида гапирилганда ўқитувчининг таълим жараёнидаги 
махсус функцияларига эътибор қаратилади.
Бунда билим, кўникма ва малакаларни эгаллаш учун қобилиятларни 
ривожлантиришга қаратилган ўқувчи томонидан амалга ошириладиган ўқув 
ҳаракатлари назарда тутилади.
Юқорида кўриб ўтилган уч тушунча ҳам ўқув фаолияти мазмунига 
таалуқлидир. Ўқишнинг натижаси ҳақида гапирилганда ўрганиш 
тушунчасидан фойдаланилади.
Таълим- у ўқитувчи ва ўқувчининг биргаликдаги ўқув фаолиятидан 
иборат бўлиб, билим, кўникма ва малакаларни узатиш жараёнидир, 
ҳаётий тажрибани ўқитувчидан ўқувчига узатишдир
Ўқиш – ҳам ўқув фаолиятига таалуқли бўлиб, лекин кўпроқ
бу тушунча ишлатилганда ўқув фаолиятида ўқувчига 
тегишли фаолият назарда тутилади