Ш. А. ДЎстмуҳамедова, З. Т. Нишанова, С. Х. Жалилова

Ёшларни 
жамоада
тарбиялаш 
Жамоадаги кишилар 
гуруҳининг мақсад ва 
вазифалари бир 
бўлишини англатиш 

---

(марказий, шаҳар, туман ёшлар газетаси ҳам), дарсларни ўзлаштириш, 
ёшларнинг ўзаро ва катталар билан муносабати, меҳнатга муносабати, ютуқ 
ва камчиликларини ёритиши уларни ўзини англаш, ўзига ўзи баҳо бериш 
каби сифатларни шакллантиради. Ҳар бир ёшнинг ғоявий-сиёсий савияси, 
билимларни яхши ўзлаштириши, онгли интизомли, жамоатчилик онгининг 
ташкил топиши, жамоат учун фойдали малакалар ҳосил қилиш ва умумий 
ривожланиш кабилар муваффақият билан ҳал этилади. Агар ёшлар учун чоп 
этиладиган газеталар тўғри йўлга қўйилган тақдирда, у ёшлар жамоасини 
тузишининг муҳим воситасига айланади. 
Мактабда мактаб жамоасини уюштириш, ёшлар камолот жамғармасида 
бўлиб турадиган йиғилишлар ҳам шахс шаклланишида катта аҳамиятга 
эгадир. Йиғилишлар ёшларнинг фуқаролик бурчини англаш ҳиссини 
ўстиради, уларни танқид ва ўз-ўзини танқидга ўргатади. Ёшлар 
йиғилишларида энг долзарб ва энг қизиқарли масалалар бўйича баҳслашиш 
уларда ҳаётий эътиқод ва дунёқарашнинг барқарор шаклланишига таъсир 
қилади ва муҳокама қилинадиган масалалар юзасидан умумий бир фикрга 
келиш, факт ва мулоҳазаларни таҳлил қилиш ва ундан тегишли хулосалар 
чиқаришга имкон туғилади. 
Ёшларни жипслашган жамоа қилиб бирлаштиришнинг муҳим 
воситаларидан бири ёшларни ижтимоий фойдали меҳнатга жалб қилишдир. 
Биргалашиб меҳнат қилиш жараёнида ёшларда ахлоқий жиҳатдан муҳим 
бўлган кўпгина фазилатлар ҳосил бўлади. Ёшлар жамоа бўлиб меҳнат 
қилишлари натижасида жамоанинг қандай кучга эга эканлигини 
тушунадилар, қийинчиликларни енгишга ва бошлаган ишни охиригача 
етказишга ўрганадилар. Ижтимоий ишлар ёшларнинг масъулият ҳисларини 
кучайтиради, жамоатчилик туйғуларини мустаҳкамлайди, уларни жамоада 
ўзаро муносабатларга ўргатади. 
Ёшларнинг умумий бир мақсадга интилишлари, ғоявийлиги, 
ижтимоий-сиёсий фаолликлари, Ўзбекистоннинг Мустақиллигига қўшган 
ҳиссалари, орзулари - улар жамоасини ташкил топиши ва унда комил инсон 
шаклида шаклланиши ёшлар жамоасини тузишга асос бўлади. 
Ёшларни ҳамжиҳат жамоа қилиб жипслаштиришда авлод-
аждодларимиз, ота-боболаримиз мерос қилиб қолдирган билимларни 
эгаллаш, санъатимизнинг, маданиятимизнинг сирларини ўрганиш, ўзбек 
халқининг ажойиб анъаналаридан фойдаланиш ҳамда уларни ёшлар онгига 
сингдириш катта аҳамиятга эгадир. 
Ўзбек халқининг энг яхши анъаналари катталарни ҳурмат-иззат қилиш, 
мехмондўстлик, увол ва ундан қўрқиш, ўзаро ҳамкорлик , ҳашар йўли билан 
битмаган ишларни жамоа бўлиб битириш, катталар билан саломлашиб ўтиш, 
қарияларга ёрдам бериш, йўл бериш, қўлини кўксига қўйиб сўрашиш, тўй ва 
маросимларда ёрдамлашиш каби кўплаб ишларга хайрихоҳлик билдиришни 
ва уларни ёшлар онгига сингдириш - бу кундалик ҳаётимиз жараёнида, ёшлар 
билан ўзаро муносабатлар, рўзнома ва ойномалар саҳифаларида, ойнан 
жаҳон эшиттиришларида доимо олиб борилиши мақсадга мувофиқдир. 

---

Шунингдек, мактаб ва олий ўқув юртларини олтин, кумуш ва имтиёзли 
диплом билан битирганларни ота-оналар ва ўқувчилар, талабалар орасида 
тантанали равишда топшириш кечаларини уюштириш кабилар ҳам ёшларда 
фахрланиш туйғусини уйғотади, уларни яхшиликка интилиб яшашга 
ўргатади, ўз хулқ-атвори тўғрисида ҳушёр бўлиб яшаш эҳтиёжини пайдо 
қилади, жамоа учун жавобгарликка ва ўртоқларга ўзаро муносабатга 
одатлантиради.