Ш. А. ДЎстмуҳамедова, З. Т. Нишанова, С. Х. Жалилова

-предметларни ўрганиши; 
-индивидуал предметли ўйинлар, жамоа сюжетли-ролли ўйинлар; 
-индивидуал ва гуруҳий ижод; 
-мусобақа ўйинлари; 
-мулоқот ўйинлари; 
-уй меҳнати. 
Боғча ѐшидаги болалар нутқни бир мунча тўла ўзлаштирганлари ва 
ҳаддан ташқари ҳаракатчанликлари туфайли уларда ўзларига яқин бўлган 
катта одамлар ва тенгдошлари билан муносабатда бўлиш эҳтиѐжи 
туғилади. Улар тор доирадан кенгроқ доирадаги муносабатларга интила 
бошлайдилар. Улар энди боғчадаги ўртоқлари ва қўни-қўшниларнинг 
болалари билан ҳам жамоа бўлиб ўйнашга ҳаракат қиладилар. 
Ҳамма нарсани билиб олишга бўлган эҳтиѐж кучаяди. Боғча 
ѐшидаги бола табиатига хос бўлган кучли эҳтиѐжлардан яна бири, унинг 
ҳар нарсани янгилик сифатида кўриб, уни ҳар томонлама билиб олишга 
интилишидир.
Боғча ѐшидаги болалар ҳаѐтида ва уларнинг психик жиҳатидан 
ўсишида қизиқишнинг роли каттадир, қизиқиш худди эҳтиѐж каби, 
боланинг бирор фаолиятга ундовчи омиллардан биридир. Шунинг учун 
ҳам қизиқишни билиш жараѐни билан боғлиқ бўлган мураккаб психик 
ҳодиса деса бўлади. 
Боланинг камол топишида қизиқишнинг аҳамияти шундаки, бола 
қизиққан нарсасини мумкин қадар чуқурроқ билишга интилади ва узоқ 
вақт давомида қизиққан нарсаси билан шуғулланишдан зерикмайди. Бу 
эса ўз навбатида боланинг диққати ҳамда иродаси каби муҳим 
хислатларни ўстиришга ва мустаҳкамлашига ѐрдам беради. 3-7 ѐшли 
болаларнинг психик ривожланишида бадиий-ижодий фаолият тури бўлган 
мусиқанинг аҳамияти ҳам жуда каттадир. Мусиқа орқали болалар ашула 
айтишга, мусиқа оҳангига мос ритмик ҳаракатлар қилишга ўрганадилар.
 
4.2. Боғча ѐшидаги болалар ўйинининг психологик хусусиятлари 
 
Маълумки, боланинг ѐши улғайиб, мустақил ҳаракат қилиш 
имконияти ошган сари, унинг атрофидаги нарса ва ҳодисалар бўйича 
дунѐқараши кенгайиб боради.