Ш. А. ДЎстмуҳамедова, З. Т. Нишанова, С. Х. Жалилова

 
 
6.
 
Ўқитувчининг ахлоқий идеал сифатида намоѐн бўлиши 
 
 
 
 
 
 
 
 
 
Ўқитувчининг ахлоқий идеал сифатида намоѐн бўлиши ўқувчи 
шахсини таркиб топтиришда муҳим аҳамиятга эга. Кичик мактаб ѐшидаги 
ўқувчи кўпинча ўқитувчига тақлид қилиб, унга ўхшашга ҳаракат қилади, 
лекин биринчидан, буни кўпинча тушуниб етмасдан қилади, иккинчидан 
ўқитувчининг ташқи кўриниши ва қилиқларига тақлид қилади, чунки у ҳали 
шахснинг намоѐн бўлишини таҳлил қилишга ва шахснинг барқарор 
ҳислатларини англаб етишга қодир эмас. Ўсмир ва катта мактаб ѐшидаги 
ўқувчи кўпчилик ҳолларда намунага онгли равишда тақлид қиладилар. 
2. 
Ижобий эмоциялар воситасида ижобий хулқ-атвор одатларини 
шакллантирмоқ керак. Онг ҳам, ирода ҳам мотивлар иерархиясини 
шакллантира олмайди. Зотан, бир эҳтиѐжнинг ўрнини фақат бошқа 
эҳтиѐжгина эгаллаши мумкин. 
1. 
Тарбияланувчини алоҳида такрорланмас,
индивидуаллик сифатида тушунмоқ лозим. Унинг
эҳтиѐжлари тузилишини аниқлаш керак. 
3. 
Шу эҳтиѐжларни қондириш воситалари билан болани 
қуроллантириш тарбия ва тарбиячидан мулоқотни ҳам, ҳамдардликни 
ҳам эмас, айнан шу воситалар билан қуроллантиришни кутади. 

---

Ўсмир ўзини катта деб ҳисоблай бошлагандан эътиборан катталарнинг хатти-
ҳаракатлари ва ишларига тақлид қилишга интилади. Шунинг учун унда 
теварак-атрофдаги кишиларнинг, айниқса, ўзига энг яқин ва ўзи учун энг 
обрўли кишиларнинг хатти-ҳаракатига қизиқиш ҳамда эътибор бериш юзага 
келади. Ўқитувчи қанчалик обрўли бўлса, унинг эътиқоди, билимлари, 
фикрлари, диди ўқувчиларга шунчалик кўп таъсир қиладиган бўлади. Ўсмир 
катталарнинг бирор ҳислатларига тақлид қилаѐтиб, кўпинча бу ҳислатларни 
шунчалик илиб олиш билан бирга, уларнинг салбий ҳислатлари ва хатти-
ҳаракатларини ҳам ўзига сингдириб олади. Агар ўқитувчи муайян мақсадни 
кўзлайдиган ва матонатли, ўз бурчини қатъият билан бажарадиган бўлса, 
худди шу нарсаларни ўз тарбияланувчиларидан ҳам талаб қилиш унга осон 
бўлади. Аксинча, ўқитувчининг тажанглиги, қўполлиги, ўзини қўлга ола 
олмаслиги, манманлиги ўқувчиларга салбий таъсир кўрсатади. 
Ўқувчилар ва ота-оналар баъзан тарбиявий ишларда ўзларининг шахсан 
намуна кўрсатишларининг таъсирига етарлича баҳо бермайдилар. Ҳолбуки, 
уларнинг қилаѐтган ишлари, ўзларини қандай тутишлари уларнинг айтган 
гапларига, ўргатган нарсаларига қараганда камроқ эмас, балки кўпроқ 
аҳамиятга эга бўлади. 
Тўғри хатти-ҳаракатларда амалий тажрибани уюштириш, юқорида 
таъкидлаб ўтилганидек, шахсни тарбиялашда муҳим, асосий омилдир. 
Тарбиячи ўқувчиларда хатти-ҳаракатларнинг шундай шакл ва усулларини 
таркиб топтирмоғи керакки, бу шакл ва усулларда тарбиянинг ҳал қилувчи 
таъсири остида юзага келадиган ўқувчи эътиқодлари амалга ошсин. Хатти-
ҳаракатларнинг айтиб ўтилган шакллари мотивларни, ўқувчининг эҳтиѐж ва 
муносабатларини "моддийлаштириш" ифодаси, воситаси, шаклига айланиб 
қолгандагина барқарор омилга айланиб мустаҳкамланади.