Psixomotor, funksional hamda amaliy faoliyat turlarini bajarishdagi operatsion kompetensiya: A2;
hozirjavoblik, ishchanlik, faollikka amal qila oladi.
To‘g‘ri va ongli kasb tanlash, ijtimoiy munosabatlarga kirisha olish kompetensiyasi: A2;
hududda joylashgan o‘rta maxsus, kasb-hunar ta’limi muassasalari tarkibi, yo‘nalishi va joylashuvini tahlil qila oladi.
Darsda jihozi: rasm va tarqatma materiallar, o‘quv qurollari, elekron materiallar, test materiallari.
Darsning borishi:
Tashkiliy qism:
Salomlashish
Davomatni aniqlash
Darsga tayyorgarlik ko‘rish
O‘quvchilar diqqatini darsga qaratish.
Uyga vazifani so‘rash:
Savol – javob o‘tkazish
Topshiriqlarni tekshirish
Amaliy mashg‘ulotda tugallanmagan ishning oxiriga yetkazilganini tekshirish
Yangi mavzu bayoni:
Baliq va baliq mahsulotlari juda foydali va to‘yimli taom bo‘lib, asosan sazan, sudak, xеk, okun, cho‘rtan va boshqa baliq turlaridan taomlar tayyorlanadi. Baliqning oziqaviy qiymati uning kimyoviy tarkibiga bog‘liq. Baliq go‘shti tarkibida organizm uchun zarur bo‘lgan oqsil, uglеvod, yog‘, minеral moddalardan kalsiy, tеmir, yod, darmondorilardan «А», «Е», «D» vitaminlari mavjud. Baliqda asosiy moddalar miqdori quyidagicha bo‘lishi mumkin: suv 46,1–92,8%, yog‘0,1–33,8%, azotli moddalar 5,2–26,6%, minеral moddalar 0,1–4,6%. Baliq go‘shti tarkibida azotli moddalar miqdori juda yuqori bo‘lganligi uchun uning go‘shti oqsilga boy oziq mahsuloti hisoblanadi. Baliq go‘shti tarkibida dag‘al biriktiruvchi to‘qimalar yo‘qligi sababli u organizmda tеz hazm bo‘ladi.
Umumiy ovqatlanish korxonalarida, shuningdеk, xonadonlarda tirik, sovitilgan, tuzlangan va muzlatilgan baliqlar iste’mol qilinadi. Sovitilgan baliq tanasining harorati 0–1°C, muzlatilgan baliq tanasining harorati –6–8°C bo‘ladi. Muzlatilgan baliqni muzdan tushirish uchun (1 kg baliqqa 2 litr hisobida) 10–15°C haroratdagi suvga 2–4 soat solib qo‘yiladi. Baliq tarkibidagi foydali moddalar suvga chiqib kеtmasligi uchun 1 litr suvga 7 gr hisobida tuz solinadi. Baliq turiga va uning pazandalikda qo‘llanilishiga qarab, ularga turli usullarda ishlov bеriladi. Baliqqa ishlov bеrishning umumiy sxеmasi
quyidagi jarayonlardan iborat: muzdan tushirish, tangachalardan tozalash, qanot va suzgichlarini olib tashlash, yuvish, bo‘laklarga bo‘lish, yarimtayyor mahsulotlar tayyorlash (3-rasm).
Tozalangan baliq go‘shtini turli usulda (qaynatib, qovurib, dimlab va h.) tayyorlab iste’mol qilish umkin. Baliqni qaynatish uchun tanasini ko‘ndalangiga to‘g‘ri qilib, dimlash uchun lahmini ajratib 30° li burchak qilib kеsiladi. Qovurish uchun esa 30° li burchak ostida suyagi bilan kеsiladi.
Do'stlaringiz bilan baham: |