“Сервис” илмий-амалий журнал

Коррупцияга қарши
 
ҳафталик – ҳар хил жамоат ташкилотларининг 
календар ойнинг маълум бир ҳафтасида турли соҳалар меҳнат жамоаларида 
коррупцияга қарши курашиш бўйича амалга ошириладиган тадбирлари мажмуи. 
Коррупцияга қарши
 таълим 
дастур – бу давлат таълим стандарти асосида 
таълим олувчилар турли қатламларнинг коррупцияга қарши кураш бўйича таълим 
олиши учун мўлжаллаб ишлаб чиқилган, ўқув дастурлар, режалар ва амалиёт 
ўташ тартибини ўз ичига олган таълим ҳужжатидир. 

---

“Сервис” илмий-амалий журнал
2018 йил 2-сон 
157
“О” ҳарфи билан боғлиқ атамаларнинг таърифлари 
 
Облигация деганда, эгасига кафолатланган даромад ҳуқуқини 
берадиган, муддатли қарз мажбуриятини ифодалайдиган қимматли қоғоз 
тури тушунилади. 
Оддий меҳнат деганда, махсус тайёргарлик талаб қилмайдиган, 
ҳамма бажариши мумкин малакасиз меҳнат тушунилади. 
Оддий меҳнат кооперацияси деганда, бир қанча кишиларнинг бир 
хил ишни қўл меҳнати билан бажариш жараёни тушунилади. 
Оила бюджети деганда, оиланинг муайян вақтда турли манбалардан 
(иш ҳақи, тадбиркорлик ва бош.) йиғилган даромадлари ва оила эҳтиёжи 
учун сарфланадиган ҳар хил харажатлари тушунилади. 
Оила хўжалиги деганда, оила аъзоларининг ва бутун жамиятнинг 
ижтимоий, иқтисодий ва маънавий эҳтиёжини қондириш ҳамда маълум 
даражада даромад (фойда) олиш учун ўз мулкига эга бўлган ишлаб 
чиқариш, иш бажариш ва хизмат кўрсатиш каби фаолиятини амалга 
ошириш ҳамда фойдани оила доирасида ўзлаштириш мақсадида бир-бири 
билан эр-хотинлик, бола-чақалик ва қариндошлик асосида бирга яшовчи 
кишилар гуруҳи тушунилади. 
Оила хўжалиги фаровонлиги деганда, оила аъзоларининг ҳаёт 
сифатини ва муносиб яшашини таъминлаш учун зарур бўлган моддий ва 
маънавий неъматлар, хизматлар ва шароитлар билан етарли даражада 
таъминланганлик даражаси тушунилади.