“Сервис” илмий-амалий журнал 020 йил 4-сон сервис

Tadqiqot metodologiyasi. Maqolani yozishda ilmiy mushohada, abstrakt-mantiqiy 
fikrlash, tahlil, sintez va so‗rov kabi usullardan foydalanib, muammoni ochib berishga harakat 
qilingan. Tadqiqot uchun zarur axborotlar asosan xorijiy adabiyotlar, statistik va me‘yoriy-
huquqiy ma‘lumotlardan olingan. 
Tahlil va natijalar. Mamlakatimizda yildan-yilga ijtimoiy-iqtisodiy barqarorlikning 
ta‘minlanib borishi, aholi farovonligi, iste‘mol darajasi, bandligi va daromadlarining oshishi, 
ichki iste‘mol bozorini mahalliy tovarlar bilan to‗ldirilishi, tashqi bozorlarda milliy tovarlarimiz 
raqobatbardoshligining ta‘minlanishi zaminida kichik biznes sub‘ektlarining alohida o‗rni 
borligini qayd etish lozim. Mustaqilligimizning dastlabki kunlaridan boshlab mulkchilik 
munosabatlariga katta e‘tibor berildi. Yillar davomida bosqichma-bosqich amalga oshirib 
kelingan islohotlar natijasida bugungi kunda kichik biznes biznes mamlakatimiz iqtisodiyotining 
tayanchiga aylanib bormoqda. 
Ushbu natijalarga erishishda kichik biznes sub‘ektlarini davlat tomonidan qo‗llab-
quvvatlanishi, iqtisodiy erkinlikni ta‘minlanishi, faoliyat yuritish uchun huquqiy asoslarni 
yaratilishi, moliyaviy-iqtisodiy yordamning kuchaytirilishi hisobiga erishilmoqda. Kichik biznes 
sub‘ektlarining samarali faoliyat yuritishlarida bozor infratuzilmasi muhim ahamiyatga ega. 
Shuning uchun ham mustaqilligimizning dastlabki kunlaridan boshlab bozor infratuzilmasini 
shakllantirishga katta e‘tibor berildi. Natijada bugungi kunda moliyaviy tashkilotlar (tijorat 
banklari, sug‗urta, kredit uyushmalari, lombardlar va b.), vositachi va savdo tashkilotlar 
(brokerlik idoralari, konteragentlar, chakana, ulgurji savdo korxonalari va b.), logistik servis va 
transport tashkilotlari, axborot-konsalting firmalari kichik biznes va xususiy tadbirkorlik 
sub‘ektlarining samarali faoliyat ko‗rsatishlarida o‗z hissalarini qo‗shib kelmoqda. 

---