Sertifikatlastiriw tiykarlari

3. 4. Sertifikatlastırıwda islep shıǵarıwdı bahalaw hám baqlaw

Islep shıǵarıw jaǵdayın bahalaw hám analiz qılıw saylanǵan sertifikatlastırıw sxeması hám sertifikatlanıp atırǵan ónimniń ózgesheligin esapqa alıp ámelge asıriladı. Muwapıqlıq sertifikatı berilgenge shekemgi bahalaw islep shıǵarıwdıń dáslepki tekseriwi dep esaplanıp, muwapıqlıq sertifikatı berilgeninen keyin sertifikatlastırıw ónimdi islep shıǵarıw turaqlılıǵı retinde ótkeriledi.

Islep shıǵarıwdı baqlaw boyınsha jumısların ótkeriw ushın komissiya yamasa sertifikatlastırıw mekememesiniń uqıplı jumısshısı sapa boyınsha ekspert-auditor retinde tayınlanadı.Islep shıǵarıw jaǵdayı tuwrısında dáslepki maǵlıwmat alıw zárúriyatı bolǵanda, tayarlawshı -shólkemge sorawnama jiberiledi.

Islep shıǵarıwdı tekseriw arnawlı bir ob'ektti tekseriw hám sorawlardan quram tapqan programma boyınsha ótkeriledi. Programma islep shıǵarılıp atırǵan ónim túri hám óndiristiń ayriqsha qásiyetlerin esapqa alıp dúziledi. Islep shıǵarıwdı tekseriw audit formasında ótkeriledi. Tekseriw programması óndiriwshilerge aldınan jetkerip beriledi.