Sentyabr Tarbiyachining bir haftalik namunaviy ish rejasi

E’tiborga molik jihati:bolalarda o‘zaro xushmumalalik ko‘nikmalarini shakllantirish; odob-ahloq tarbiyasini rivojlantirish; nutq boyligini faollashtirish.
Ilm –fan va tabiat markazi
Eksperiment: “Xidlaymiz, ta’tib ko‘ramiz, ushlaymiz va tinglaymiz
Maqsad: his-tuyg‘u organlari va ularning bajaradigan funksiyasi haqida tasavvurga ega bo‘ladi. Quloqlar tovushlarni eshitishini, burun xid sezishini, barmoqlar shaklni aniqlashini, til ta’m bilishini biladi.
Jihoz va ko‘rgazmalar: 3ta dumaloq qirqilgan shirma (burun va qo‘llar uchun), gazeta, qo‘ng‘iroqcha, bolg‘acha, ikkita toshcha, xushtak, gapira oladigan qo‘g‘irchoq, shaqildoq o‘yinchoq, kinder idishi, idishda sarimsoq piyoz, apelsin bo‘lakchalari, duxi sepilgan parolon, limon, oqqand


Faoliyatning borishi:
1. Stol ustida qo‘ng‘troqcha, bolg‘acha, ikkita toshcha, shikillok o‘yinchoq, xushtak, gapiradigan qo‘g‘irchoq qo‘yiladi. “Bu predmetlar qanday tovush chiqaradi?” “Nima orqali siz bu tovushlarni eshitdingiz?” va h.k.
2. O‘yin: “Qanday tovush ekanligini top” – bola shirma orqasidagi predmetni tanlaydi va tovush chiqaradi, qolganlari quloqlari bilan qanday tovush eshitganlarini va bu tovush nima ekanligini topib aytishadi.
3. O‘yin: “Hid orqali top”- bolalar burunlarini shirma oynachalariga yaqinlashtirishadi va tarbiyachi tavsiya qilgan qo‘lidagi predmetni hidlash orqali topishadi. Bu nima? Qanday topdik? (Burnilarimiz orqali)
4. O‘yin: «Ta’mini top» -tarbiyachi bolalarga limon va oqqandni ta’miga ko‘ra topishni tavsiya etadi.
5. O‘yin: «Qo‘lni tegizib top» - bolalar shirmaning qirqilgan joyidan qo‘llarini kirgizib, predmetni olib, nima ekanligini topishadi. Bizga tovushni, xidni, ta’mlarni topishga ko‘maklashadigan yordamchilarimizning nomini ayting. Agar ular bo‘lmaganida nima bo‘lardi?
Qo‘shimcha: bolalarni tovushning paydo bo‘lishi sabablarini va predmetlarning farqini topishga yordam berish.