Seminar mashg‘ulotining ishlanmasi. Mavzu: Qarorlarni qabul qilish algoritmi va pedagog faoliyatini rejalashtirish

Seminar mashg‘ulotining ishlanmasi.
Mavzu: Qarorlarni qabul qilish algoritmi va pedagog faoliyatini rejalashtirish.
1-amaliy topshiriq.

Muammoli vaziyat yarating va uni “Ringi” usulida yechimini ishlab chiqing.

“Ringi” usuli yapon biznesida keng qoʻllaniladigan usuldir. Bu usulga koʻra muammo majlislarda emas, balki soʻrab chiqish yoʻli bilan rozilik olish vositasida hal etiladi, bir necha bosqichda amalga oshiriladi.

“Ringi” usulini qoʻllash bosqichlari

T/r	Bosqichlar	Izoh
	Birinchi bosqich	Bu bosqichda firma rahbariyati qanday muammo yuzasidan qaror qabul qilinishi lozim boʻlsa, shu muammo (masalan, yangi mahsulot turini ishlab chiqarishga) doir umumiy mulohazalarni jalb etilgan mutaxassislar bilan birgalikda oʻrtaga tashlaydi.
	Ikkinchi bosqich	Muammo “pastga”, yaʼni loyiha ustida ish tashkil etiladigan pogʻonaga uzatiladi.
	Uchinchi bosqich	Bu bosqichda tayyorlanayotgan loyihaning barcha jihatlari boʻyicha ijrochilar bilan batafsil kelishib olinadi. Aslida bu ixtiloflarni, qarama-qarshi nuqtai nazarlarni bartaraf etish bosqichidir.
	Toʻrtinchi bosqich	Muammoni hal qilish uchun maxsus kengash va konferentsiyalar oʻtkaziladi.
	Beshinchi bosqich	Bu bosqichda hujjat ijrochilar tomonidan imzolanadi, har kim oʻz muhrini bosadi va hujjat firma rahbariyati tomonidan tasdiqlanadi.

Yaponiyada “Ringi” usulini ehtiyotkorlik, avaylash, jamoat masʼuliyatini oldinga suruvchi boshqaruv falsafasining koʻrinishlaridan biri deb hisoblash odat tusiga kirgan. Garchi bu usulning haddan tashqari sermashaqqat boʻlgani uchun yapon matbuotida uning shaʼniga aytilgan tanqidni uchratish mumkin boʻlsa-da, uni qoʻllashdan voz kechish toʻgʻrisida hech narsa deyilmaydi.

2-amaliy topshiriq.

O‘rindoshlik asosida ishlayotgan ta’lim muassasangiz maqsadini “Maqsadlar daraxti” shaklida ifodalang.

3-amaliy topshiriq.

Kasbiy faoliyatingizni rivojlantirishga doir qaror qabul qiling va uni amalga oshirishni rejalashtiring.