Семинар машғулотларнинг асосий турлари

Гуруҳли ўқув амалий топшириқни бажариш жараёнида амалий ўқитиш методи педагогик техёнологияси:
Гуруҳ сардорининг вазифалари:

1. 
   Ўқув топшириқни бажариш бўйича гуруҳ фаолиятини мақсадли йўналтириш. Гуруҳ сардори қуйидагиларни ташкил этади:
   

• 
  қўйилган мақсадга эришишнинг усул ва воситаларини ишлаб чиқиш (қандай? нима ёрдамида?);
  
• 
  мақсадга эришиш йўлларини аниқлаш (топшириқ қандай кетма-кетликда бажарилади?);
  

• гуруҳ аъзоларига вазифаларни тақсимлашда олдиндан белгилиб олинган усул ва воситалар ёрдамида мақсадга эришишни амалга ошириш (ким?).

2. 
   Ҳар бир гуруҳ аъзосига таксимланган вазифаларни амалга оширилишни қузатиш.
   
3. 
   Гуруҳ ичида ўзаро муносабатларни уйғунлаштириш. Гуруҳ ичида низоли вазиятлар пайдо бўлганда, гуруҳ сардори бир вақтни ўзида ҳакам сифатида ва тинчлик ўрнатувчи шахс сифатида чиқиши лозим.
   
4. 
   Гуруҳ иши натижалари тақдимотини ташкил этиш. Гуруҳ сардори хамманинг номидан чиқувчи гуруҳнинг вакили ҳисоблангани учун, гуруҳ иштирокчилари гуруҳнинг вакилига бефарқ эмаслар; сардор бундай пайтда бутун гуруҳнинг номидан чиқиб, жамоанинг ақл идрокини, истакларини намоён этади. У гуруҳнинг Киберини этқазиб беради.
   

Баъзида гуруҳ сардори бошқаларнинг зиммасига масъулиятнинг бир қисмини юклай ололмаслигидан азият чекади, унинг фикрича, ҳамма нарсада унинг шахсий иштироки шарт. Натижада у гуруҳ аъзоларини масъулиятни ҳис этишга имкон бермайди ва бу вазият эса уларни гуруҳ ишида фаол қатнашишига халақит беради.
Ҳамкорликда ўқиш педагогик технологиялари:

1. 
   “Ўйланг - жуфтликда ишланг - фикр алмашинг”.
   
2. 
   “Биргаликда ўрганамиз” (“Кооп-қооп”).
   
3. 
   “Арра”.
   

Муаммоли масала ва вазиятлар методи - таълим берувчининг муаммоли вазиятларни яратишга ва таълим олувчиларнинг фаол билиш фаолиятларига асосланган. У аниқ вазиятни таҳлил қилиш, баҳолаш ва кейинги қарорни қабул қилишдан иборат.
Муаммоли масала ва вазиятлар методидан фойдаланиш орқали назария амалиёт билан боғланиб, ўрганилаётган материал таълим олувчилар учун янада муҳимлиги ортади.
Муаммоли топшириқ фактларни ўрганиш ёки реал ҳаётдан олинган вазият ва баъзи инсонларнинг қизикарли қарашларини ўз ичига олиши мумкин. Таълим берувчи курсантларга бераётган топшириқ қандай бўлишидан қатъий назар муаммоли характерга эга бўлиши зарур.
Муаммоли ўқитишнинг энг мураккаб томони муаммоли саволларни қўйиш ҳисобланади. Барча муаммоли саволларни қуйидаги гуруҳларга бўлиш мумкин:
Юқори даража:

• 
  баҳолаш (нима билан сиз розисиз ёқи рози эмассиз);
  
• 
  синтез (агар ...); таҳлил (таққосланг, хулоса қилинг)
  

Ўрта даража

• 
  қўллаш (нима учун? нима мақсадда?)
  

Бошланғич даража

• 
  тушуниш (нима учун? нега?)
  
• 
  (нима, қачон, қаерда?)
  

4. 
   «Кибер хавфсизлигини таъминлаш” модули бўйича назорат топшириқлари ва мустақил таълим юзасидан кўрсатмалар
   

Кейс (аниқ вазият) - назарий билимларни амалий вазифаларни ечиш жараёнида қўллаш имконини берувчи ўқитиш воситаси.
Кейсда баён қилинган вазиятни ўрганиб ва таҳлил қилиб, курсантлар ўзининг келгусидаги касбий фаолиятида ўхшаш вазиятларда қўллаши мумкин бўлган тайёр ечимни олади.
Кейсда баён қилинган вазиятлар (касбий), амалий машғулотларда ечиладиган вазиятли масалалардан тубдан фарқ қилинади. Агар вазиятли масалаларда ҳар доим шарт (нима берилган?) ва талаб (нимани топиш керак?) берилган бўлса, кейсда, қоидага кўра, бундай параметрлар мавжуд эмас.
Ўқувчига тақдим этилгаи ихтиёрий кейсда:

• 
  кейснинг белгиланиши ва топшириқ/саволлар аниқ ифодаланган бўлиши керак;
  
• 
  баён қилинган муаммоли вазиятни ечиш учун керакли ва етарли хажмда маълумотларни ўз ичига олиши керак;
  
• 
  кейсни ечиш учун услубий кўрсатмалар бўлиши керак.