Семинар машғулотлари : 6 Лаборатория: 24 Мустақил таълим 111

1. Ўқув муассасаси раҳбарининг касб танлашни ташкил этиши.
Касбга йўналтириш ишини амалга оширшнинг умумий тизимида (системасида) мактаб тизими дастлабки босқич ҳисобланади.
Касбга йўналтириш иши жараёнида мактаб тизимининг вазифалари:
1. Шахснинг юксак маънавий-ахлоқий фазилатларига эга бўлган ўқувчиларни тарбиялашдан;
2. Бошланғич касбий малакаларнинг муайян тизимини эгаллаган бўлғуси малакали ўқувчиларни тайёрлашдан;
3. Ҳам шахсий меҳнат, ҳам жамоа меҳнати муайян ташкилотчилик малакаларини шакллантиришдан иборат.
Мактабда касбга йўналтириш соҳасидаги ҳамма ишларнинг бир-бирига мувофиқлаштирилишини таъминлаш мақсадида ўқув муассасаси раҳбари (мактаб директори) раислигида касбга йўналтирувчи кенгаш тузилади.
Кенгаш таркибига:

• 
  мактаб директорининг ўқув ишлари бўйича муовини;
  
• 
  мактаб директорининг тарбиявий ишлар бўйича муовини;
  
• 
  касбга йўналтирувчи ўқув-услубий (методик) хона мудири;
  
• 
  меҳнат таълими, ўқувчиларнинг ижтимоий-фойдали, унумли меҳнатини касбга йўналтирувчи ўқитувчи ёки ташкилотчи;
  
• 
  битирувчи синфларнинг синф раҳбари;
  
• 
  мактаб психологи;
  
• 
  мактаб кутубхоначиси;
  
• 
  мактаб ўқувчилар ташкилотининг вакиллари;
  
• 
  мактаб врачи;
  
• 
  ота-оналар қўмитасининг аъзолари;
  
• 
  турли хил корхона ва ташкилот вакиллари киради.
  

Касбга йўналтирувчи кенгашнинг иш режасини халқ таълими бўйича мактаб кенгаши кўриб чиқади ва тасдиқлайди.
Касбга йўналтирувчи кенгашнинг вазифалари:
1. Касбга йўналтириш бўйича мактаб ва синфларнинг тадбирларини режалаштириш ва ташкил қилишдан;
2. Касбга йўналтириш ишига оид илғор тажриба маълумотларини йиғиш, умумлаштириш ва оммалаштиришдан иборат.
Касбга йўналтирувчи кенгаш туман хокимлигининг маънавий-маърифий ишлари ўринбосари хузуридаги “Ёшларни касбга йўналтириш ва ишга жойлаштириш” қўмитаси, ўқув юртлари (касб-хунар коллежлари, академик лицейлар), турли хил корхона ва ташкилотлар, ўқувчиларнинг ота-оналари билан алоқа боғлаб туради.
Касбга йўналтириш ишини режалаштирилган чоғда кенгаш махаллий шароитларни ва мактаб ишининг ўзига хос хусусиятларини ҳисобга олиши лозим. Кенгашнинг касбга йўналтириш иш режаси мактаб таълим-тарбия иши умуммактаб режасининг таркибий қисмидир.
Касбга йўналтириш кенгашининг мажлисларига, туман мактаблариаро муассасалар, корхоналар, касб-хунар коллежлари, академик лицейлар, олий ўқув юртларининг вакиллари, балоғатга етмаганлар иши бўйича шуғулланувчи комиссия аъзолари, меҳнат ресурсларидан фойдаланиш бўлимларининг вакиллари таклиф қилинадилар.
Ўқувчиларни касбга йўналтириш ишини ўтказган чоғда мактаб ходимлари ва мактаб маъмуриятининг вазифалари

• 
  ўқувчиларни касбга йўналтиришга оид йўриқномалар;
  
• 
  қарорларни;
  
• 
  илмий-услубий адабиётларни;
  
• 
  чиқарилган услубий тавсияномаларни ўрганишдан ва ўз ишларида фойдаланишдан иборат.