Selluloza ishlab chiqarish texnologiyasi

Dozalash nasoslari.
Porshenli nasoslar kimyoviy eritmalar va 
suvlarni tegishli nuqtalarga uzatib berish vazifasini bajaradi. Ular 
harakatga keltiruvchi kulachokli mexanizmlar orqali boshqariladi.
Nasoslarning kimyoviy moddalar bilan o‘zaro ta’sirlashadigan 
qismlari zanglamaydigan po‘latdan tayyorlanadi.
1-massa saqlovchi sig‘im.
Sig‘imning konstruksiyasi pishirilgan 
paxta massasini 60 minut saqlash jarayonida kimyoviy reaksiya 
tugashini hisobga olgan holda ishlangan.
Bu qurilma nov ko‘rinishidagi ikkita sig‘im va 4 xil balandlikdan 
iborat. Har bir balandlikda 4 ta rotor (shnek) bo‘lib, shnek elektr 
dvigatel va rotor orqali aylanadi. Shnekning diametri 850 mm, 
aylanish chastotasi 0,66 min
– 1
. Sig‘im qopqoq bilan zich yopilgan. 
Sig‘im ichiga maxsus tuynuk (lyuk) yordamida kiriladi.
Massa saqlovchi sig‘imga massa tashuvchi shnek yordamida 
beriladi. Massaning chiqish joyiga 2 ta spiralli rotor o‘rnatilgan. 
Bu qurilma xomashyoni maydalab, 2–Bi-Vic mshinasiga etkazib 
berishga mo‘ljallangan. Qurilma tarkibidagi barcha apparatlar 
zanglamaydigan po‘latdan yasalgan.
2-massa saqlovchi sig‘imning konstruksiyasi
1-sig‘im konst-
rukt siyasiga o‘xshash bo‘lib, farqi – massani yetiltirish (saqlash) 
muddati 90 minutga mo‘ljallangan. Bu vaqtda paxta momig‘ini 
oqartirish ishlari tugallanadi.
Shnekli press.
Shnekli press gorizontal silindr shaklida bo‘lib, 
uning uch seksiyasida filtrlash ishlari olib boriladi:
– kirish kamerasi, yuklash teshigi to‘g‘ri to‘rt burchakli shaklda 
bo‘lib, pastki qismi panjarali, yarim silindrsimon;

---

55
– suvsizlantiruvchi seksiya, silindr shaklidagi panjara, massa 
aylanmasligi uchun unga uzunasi bo‘ylab planka o‘rnatilgan;
– chiqish kamerasi, massa apparatdan chiqayotganda siqishni bir 
maromda borishini ta’minlash uchun chiqish qismida teskari bosim 
hosil qiluvchi sistema bor.
Shnekli press zanglamaydigan po‘latdan yasalgan.