Сценарийлар тўплами 2 Кириш

Олиб борувчи: Азизлар! Эндиги сўз навбатини касбига меҳр қўйган, 
муҳандисликнинг 
барча 
сир-асрорларини 
пухта 
ўзлаштириб 
олган 
мутахассислардан бири_______________________________________________ 
га сўз берсак. Мархамат! 
(Мутахассис ўз иш тажрибаларидан гапириб ўтади). Раҳмат.! Ҳаётнинг ҳар 
бир қувончли лаҳзаси сизни бебаҳра қолдирмасин. Доимо соғ бўлинг. 
Олиб борувчи: Азиз алоқачилар! Ҳурматли меҳмонлар! Мана бугунги 
учрашув кечамиз ҳам ўз ниҳоясига етиб бормоқда. Ўтказилган бундай 
учрашув кечамиз ёшларимиз маънавиятининг юксалишида, уларнинг ишга 
бўлган иштиёқи янада ортишига муҳим омил бўлиб хизмат қилади деган умид 
билдириб тадбирни якунлаб бериш учун сўзни Бобур номидаги Андижон 
вилоят ахборот кутубхона директор ўринбосари Насимахон Азнабаевага 
берамиз. Марҳамат! (АКМ директор ўринбосари ўз табрик ва якуний 
сўзларини айтиб ўтади) (Меҳмонларни табриклаш ва эсдалик совғаларини 
топшириш 
учун 
сўз 
ЎзААА 
ташриф 
буюрган 
____________________________________________________________________ 
берилади) 
 
Адабий мусиқали кеча
 
Бобур номидаги Андижон вилояти ахборот-кутубхона маркази Маънавий-
маърифий ишлар бўйича ёшлар билан ишлаш сектори Алишер Навоий 
таваллудининг 572 йиллигига бағишлаб “Билмак Навоийни зўр маьрифат 
нишони” мавзусида ўтказиладиган адабий-мусиқали кеча
 
СЦЕНАРИЙСИ 
1-бошловчи: Беш асрким назмий саройни 
Титратади занжирбанд бир шер. 
Темир тиғи етмаган жойни 
Қалам билан олди Алишер. 
 
 2-бошловчи: Ҳа, бу «занжирбанд шер»нинг шеърлари неча асрларки 
жаҳонни мафтун этиб келмокда.. Унинг ғазаллари порлоқ қуёш сингаридир, 
бетакрор назми олдида ҳатто Саъдий ва Ҳофизнинг шеърият осмонидаги 
юлдузлари хира тортди. «Низомий панжасига панжа уриб» бунёд қилган 
«Ҳамса»си «Панж ганж» шуҳратига соя солди. 

---

57 
1-бошловчи: Буюк шоир ҳақида унинг дўсти, маслакдоши Ҳусайн 
Бойқаро ўзининг «Рисола» китобида бундай деган эди: (саҳнага Ҳусайн 
Бойқаро қиёфасидаги ўқувчи чиқиб келади)
- “Мир Алишер турк тилининг ўлган жасадига Масиҳ нафаси билан руҳ-
жон киргизди... У ҳар бир шеър тури майдонига топқир отини сурар экан, ўша 
мамлакатни тил қиличи билан ўзига тобе этди. Унинг назмини мақташга тил 
нуқсонли ва қалам ожиздир ва бу кун назм дунёсининг рубоий маскунида 
қаҳрамон удур ва уни бу мамлакатни қўлга киритган соҳибқирон деса 
бўлади”, (секин аста саҳнадан чиқади). 
2-бошловчи: Алишер Навоийнинг комил инсон, шеърият мулкининг 
султони бўлиб етишишида у яшаган муҳитнинг таъсири катта бўлди. 
(Саҳна кўриниши. Саҳна хона кўринишида безатилган. Алишернинг отаси 
Ғиёсиддин Кичкина, тоғаси шоир Мирсаид, кимёгар домла Мурод ва бир неча 
сипоҳлар давра қуриб давлат ишлари юзасидан баҳс юритиб ўтирибдилар.)